Créditos ECTS Créditos ECTS: 4.5
Horas ECTS Criterios/Memorias Traballo do Alumno/a ECTS: 74.2 Horas de Titorías: 2.25 Clase Expositiva: 18 Clase Interactiva: 18 Total: 112.45
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Psicoloxía Social, Básica e Metodoloxía
Áreas: Psicoloxía Social
Centro Facultade de Psicoloxía
Convocatoria: Segundo semestre
Docencia: Con docencia
Matrícula: Matriculable
* Adquirir un repertorio de coñecementos e información sobre os principais procesos implicados na xestión do comportamento organizacional.
* Adquirir unha progresiva toma de conciencia da importancia do factor humano na organización.
* Adquirir unha serie de coñecementos introdutorios sobre os métodos, técnicas, instrumentos, estratexias e procedementos de avaliación e de intervención nas organizacións.
* Adquirir hábitos de observación, análise, comprensión e interpretación dos problemas sobre os que terá que intervir para contribuír á súa solución.
1. O Conflito e a xestión do conflito.
* O conflito organizacional: un marco de referencia.
* O proceso de conflito e fases.
* A xestión do conflito.
2. O Poder nas organizacións
* A conceptualización do proceso de poder.
* Bases e fontes do poder.
* A xerarquía e a dirección do poder
3. Socialización e Cultura
* Introdución: a incorporación nas organizacións.
* Etapas do proceso de Socialización.
* Aspectos que configuran a Cultura Organizacional.
* Funcións e tipos de cultura nas organizacións.
4. A Estrutura Organizacional.
* Conceptualización da estrutura. A estrutura formal.
* As configuracións da estrutura.
* O impacto da estrutura no comportamento individual e grupal.
5. O Cambio Organizacional.
* O Cambio Organizacional: as forzas promotoras do cambio.
* As fases do cambio e implicacións.
* O fenómeno da resistencia.
* Estratexias do Cambio Organizacional.
6. A Saúde Laboral.
* O marco normativo: a Lei de Prevención de Riscos Laborais.
* Condicións de traballo e factores psicosociais.
* Xestión da prevención. Identificación das fontes do estrés laboral.
BIBLIOGRAFÍA BÁSICA:
- Domínguez, J.L. y Rodríguez, D. (Comp.) (2013). Lecturas de Psicología del Trabajo y de las Organizaciones. Madrid: Pearson.
- Robbins, S.P. y Judge, T.A. (2017). Comportamiento Organizacional (17ª ed.). México: Pearson. [Dispoñible en formato eBook]
- Robbins, S.P. y Judge, T.A. (2010). Introducción al Comportamiento Organizativo (10ª ed.). Madrid: Pearson. [Dispoñible en formato eBook]
BIBLIOGRAFÍA COMPLEMENTARIA:
- Gil, F. y Alcover, C.M. (Coords.) (2014). Introducción a la Psicología de las Organizaciones. Madrid: Alianza editorial. [Dipoñible en: https://prelo.usc.es/Record/Xebook1-670]
- Gil-Monte, P. R. (2014). Manual de Psicosociología aplicada al trabajo y a la prevención de los riesgos laborales. Madrid: Pirámide. [Dispoñible en: https://prelo.usc.es/Record/Xebook1-829]
- Griffin, A. y Moorhead, G. (2010). Comportamiento Organizacional (9ª ed.). México: Cengage Learning.
- Luthans, F. (2008). Comportamiento Organizacional (11ª ed.). México: McGraw Hill.
- Muchinsky, P.M . (2007). Psicología Aplicada al Trabajo. México: Thompson Learning.
- Munduate. L. y Medina, F.J. (2013). Gestión del conflicto, negociación y mediación. Madrid: Pirámide. [Dispoñible en formato eBook]
- Newstrom, J. (2011). Comportamiento humano en el trabajo (13ª Ed.). México: McGraw-Hill.
- Palací, F. J., Osca, A., Moriano, J. A. y Lisbona, A. (2016). Nuevas Perspectivas en Psicología de las Organizaciones (1ª Ed.). Madrid: Sanz y Torres. [Dispoñible en formato eBook]
- Pereda Martín, S. (2008). Psicología del Trabajo: Teoría y práctica. Madrid: Síntesis. [Dispoñible en formato eBook]
- Spector, P. (2010). Psicología Industrial y Organizacional. Investigación y práctica. México: Manual Moderno.
A súa vez, as/os estudantes terán a súa disposición, no Campus Virtual, diferentes seccións de apoio á docencia, nas que atoparán multitude de ferramentas e recursos.
1. Coñecer as funcións, características, contribucións e limitacións dos distintos modelos teóricos da Psicoloxía.
2. Coñecer os principios psicosociais que interveñen no comportamento dos individuos e no funcionamento dos grupos e das organizacións.
3. Coñecer os métodos e deseños de investigación e as técnicas de análise de datos propios da Psicoloxía.
4. Coñecer os distintos métodos de avaliación, diagnóstico e tratamento psicolóxico en diferentes ámbitos aplicados da Psicoloxía -clínico e da saúde, social, educativo.
5. Saber identificar as necesidades e demandas dos destinatarios nos diferentes campos de aplicación e establecer as metas da actuación psicolóxica.
6. Saber identificar as características relevantes do comportamento dos individuos, grupos, organizacións e contextos mediante os métodos, técnicas e instrumentos propios da avaliación psicolóxica.
7. Saber promover a saúde e a calidade de vida, a través dos métodos propios da profesión, nos individuos, grupos, comunidades e organización nos distintos ámbitos e contextos: educativo, clínico e da saúde, do traballo e das organización, grupal e comunitaria.
8. Saber seleccionar e administrar técnicas e instrumentos propios e específicos da Psicoloxía.
9. Saber definir os obxectivos, elaborar o plan e as técnicas de intervención en función das necesidades e demandas dos destinatarios, e avaliar os seus resultados.
10. Saber transmitirlles aos destinatarios, de forma axeitada e precisa, os resultados da avaliación.
11. Saber elaborar informes psicolóxicos en distintos ámbitos de actuación, dirixidos aos destinatarios e a outros profesionais.
12. Axustarse ás obrigas deontolóxicas da Psicoloxía.
A docencia da materia desenvolverase a través de diversos tipos de metodoloxías docentes:
1) Clases expositivas (a impartir en grupos de 75 estudantes aprox.), que están orientadas á capacitación das/dos estudantes respecto á adquisición dos coñecementos relativos aos tópicos incluído no programa.
2) Clases interactivas (a impartir en grupos de 25 estudantes aprox.), que serán de dous tipos: (i) As de carácter "expresivo", orientadas a experimentar e demostrar empiricamente algúns dos procesos ou efectos explicados; e, (ii) as de carácter "instrumental", que teñen por obxecto dotar ás/aos estudantes (a un nivel elemental) das competencias de consultoría necesarias para aplicar en situacións reais as habilidades tratadas a nivel teórico.
3) Conferencias e palestras (para todos os matriculados na materia), que buscan achegar ao estudantado á realidade da profesión.
4) Titorías personalizadas (en grupos reducidos).
Ademais, cada alumno terá a súa disposición, no Campus Virtual da USC, unha e-aula de apoio á docencia presencial.
Os informes de prácticas e o informe de consultoría que as/os estudantes han de presentar ao longo do semestre, ademais de utilizarse como criterio de avaliación da aprendizaxe de contidos e destrezas instrumentais, permitirán obter información sobre a adquisición de habilidades de comunicación verbal (oral e escrita) e non verbal.
As actividades de avaliación continua, xunto coas titorías, permitirán a retroalimentación do progreso de cada estudante ao longo do semestre.
A avaliación final valorará o nivel de coñecementos adquirido respecto aos contidos do programa da materia.
NOTA: En función da situación sanitaria, a metodoloxía pode sufrir cambios que permitan a súa adaptación a escenarios de docencia telemática ou de semipresencialidade (ver o punto 1 do "Plan de continxencia" recollido no apartado de "Observacións").
A avaliación de competencias relacionadas coa adquisición de coñecementos realizarase mediante un exame final. A avaliación da adquisición de habilidades e actitudes realizarase de modo continuo, en función do desempeño das/dos alumnas/os nas tarefas programadas ao longo do semestre, tal e como astas queden reflectidas nos informes de prácticas e no informe de consultoría.
A cualificación final de cada estudante na materia (máximo de 10,0) resultará do sumatorio das cualificacións parciais obtidas no exame e nos informes de prácticas, de acordo coa seguinte táboa de valores:
* Informes de prácticas: entre 0,0 y 1,0 puntos.
* Informe de consultoría: entre 0,0 y 2,0 puntos.
* Exame final: entre 0,0 y 7,0.
As condicións de avaliación da materia na segunda oportunidade e para alumnas/os repetidoras/es serán as mesmas que as fixadas para a avaliación final da convocatoria de xuño. No caso das/dos repetidoras/es, a puntuación obtida na avaliación continua gardarase durante outro curso académico máis.
NOTA: En función da situación sanitaria, o sistema de avaliación pode sufrir cambios que permitan a súa adaptación a escenarios de docencia telemática ou de semipresencialidade (ver o punto 2 do "Plan de continxencia" recollido no apartado de "Observacións").
Do total de 112,5 horas de traballo previsto para que o estudante poida superar a materia, 42,5 horas destinaranse a actividades de tipo presencial, as restantes 70 horas dedicaranse a actividades non presenciais distribuídas de acordo co seguinte plan de traballo:
ACTIVIDADES PRESENCIAIS:
* Clases expositivas: 28 horas.
* Clases interactivas: 10,5 horas.
* Titorías personalizadas: 1 hora.
* Exame final: 3 horas.
ACTIVIDADES NON PRESENCIAIS:
* Lecturas previas ás clases interactivas e/ou expositivas: 15 horas.
* Elaboración de informes de prácticas: 15 horas.
* Preparación de exames: 40 horas.
A asistencia ás clases presenciais facilita a comprensión e asimilación dos contidos da materia; aportando tamén unha grande cantidade de exemplos, referidos a diferentes contextos organizacionais, sobre as aplicacións e implicacións prácticas dos contidos teóricos tratados.
A asistencia ás clases prácticas resulta esencial para, na medida en que o escaso tempo do que se dispón no lo permita, adestrar habilidades básicas e experimentar con algúns dos modelos, técnicas e conceptos necesarios para poder intervir eficazmente no contexto organizacional. Neste sentido, cada ausencia non xustificada a clases interactivas descontará 0,20 puntos da cualificación.
Recoméndase non deixar para última hora a elaboración dos informes correspondentes a cada unha das prácticas ou lecturas realizadas, co obxecto de poder entregalas dentro do prazo fixado (que é inamovible). Se o mencionado traballo non se planifica e executa con tempo suficiente, ao final a carga de tarefas asignadas aos alumnos polas diferentes materias que conforman o semestre pode resultar excesiva.
A/O estudante contará, en todo momento, co apoio e a titorización que necesite, por parte do profesor da materia, para a correcta realización das tarefas que lle sexan encomendadas; tanto en horario de clases como fora delas. Así pois, recoméndase que o/a alumno/a, tanto individualmente como en grupo, utilice de modo frecuente as posibilidades que lle ofrece o horario de titorías do profesor.
Para un mellor aproveitamento da docencia impartida nesta materia, sería desexable que as/os estudantes que se matriculen na mesma cursaran, con anterioridade, as materias dos dous primeiros cursos do Grao; pero, en particular, aquelas relacionadas coa análise psicosocial do comportamento humano.
NOTA: En función da situación sanitaria, as recomendacións para o estudo da materia pode sufrir cambios que permitan a súa adaptación a escenarios de docencia telemática ou de semipresencialidade (ver "Observacións").
PLAN DE CONTINXENCIA
1. Metodoloxía da ensinanza: En función da situación sanitaria, parte dos contidos poderán ser traballados de maneira autónoma polo/a estudante a partir do material proporcionado polos profesores da materia a través das ferramentas corporativas da Universidade (p. ex., presentacións en PowerPoint con ou sen gravación de vídeo e/ou audio, videoconferencias a través da plataforma TEAMS, Chat, Foro, etc.), o que será debidamente informado a través do Campus Virtual. O seguimento do traballo das/dos estudantes realizarase mediante a programación de entregas e a participación nas actividades propostas na aula virtual da materia.
2. Sistema de avaliación da aprendizaxe: dependendo das circunstancias sanitarias, a cualificación final de cada estudante na materia (máximo de 10,0) axustarase a cada un dos seguintes escenarios posibles:
2.1. Distanciamento: Mantéñense os mesmos criterios que no escenario 1 de "Normalidade adaptada" que figura no apartado correspondente ao sistema de avaliación da aprendizaxe descrito anteriormente.
2.2. Peche das instalacións: neste escenario, a cualificación final do estudante na materia (máximo de 10,0) resultará do sumatorio das cualificacións parciais obtidas no exame (realizado telematicamente) e nos informes de prácticas (entregados a través da e-aula), de acordo coa siguiente táboa de valores:
* Informes de actividade da e-aula: 1,5 puntos.
* Informes de prácticas: 2,0 puntos.
* Proxecto de consultoría: 3,5 puntos.
* Proba final telemática (complementaria á avaliación continua): 3,0 puntos.
As condicións de avaliación da materia na segunda oportunidade e para alumnas/os repetidores serán as mesmas que as fixadas para a avaliación final da convocatoria de xuño. No caso das/dos repetidoras/es, a puntuación obtida na avaliación continua gardarase durante outro curso académico máis.
Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.
3. Recomendacións para o estudo da materia: para aproveitar o proceso formativo, particularmente en función da situación sanitaria, recoméndase facer o seguimento das sesións síncronas e/ou asíncronas que se programen, realizar as actividades nos prazos indicados, e recorrer as titorías, respectando os tempos de todas/os.
Manuel Damaso Rodriguez Fernandez
- Departamento
- Psicoloxía Social, Básica e Metodoloxía
- Área
- Psicoloxía Social
- Teléfono
- 881813790
- Correo electrónico
- damaso.rodriguez [at] usc.es
- Categoría
- Profesor/a: Titular de Universidade
Carlos Montes Piñeiro
Coordinador/a- Departamento
- Psicoloxía Social, Básica e Metodoloxía
- Área
- Psicoloxía Social
- Teléfono
- 881813803
- Correo electrónico
- carlos.montes [at] usc.es
- Categoría
- Profesor/a: Profesor Contratado/a Doutor
| Mércores | |||
|---|---|---|---|
| 09:00-10:00 | Grupo A | Castelán | Aula 8 |
| 11:00-12:00 | Grupo B | Castelán | Aula 9 |
| Xoves | |||
| 10:00-11:00 | Grupo B | Castelán | Aula 9 |
| 11:00-12:00 | Grupo A | Castelán | Aula 8 |
| 18.05.2022 16:30-18:30 | Grupo B | Aula 1 |
| 18.05.2022 16:30-18:30 | Grupo A | Aula 1 |
| 18.05.2022 16:30-18:30 | Grupo B | Aula 5 |
| 18.05.2022 16:30-18:30 | Grupo A | Aula 5 |
| 18.05.2022 16:30-18:30 | Grupo A | Aula 6 |
| 18.05.2022 16:30-18:30 | Grupo B | Aula 6 |
| 18.05.2022 16:30-18:30 | Grupo B | Aula 7 |
| 18.05.2022 16:30-18:30 | Grupo A | Aula 7 |
| 01.07.2022 16:30-18:30 | Grupo A | Aula 4 |
| 01.07.2022 16:30-18:30 | Grupo B | Aula 4 |
| 01.07.2022 16:30-18:30 | Grupo B | Aula 5 |
| 01.07.2022 16:30-18:30 | Grupo A | Aula 5 |
| 01.07.2022 16:30-18:30 | Grupo A | Aula 6 |
| 01.07.2022 16:30-18:30 | Grupo B | Aula 6 |