Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 99 Horas de Titorías: 3 Clase Expositiva: 24 Clase Interactiva: 24 Total: 150
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Didácticas Aplicadas
Áreas: Didáctica da Expresión Corporal
Centro Facultade de Ciencias da Educación
Convocatoria: Primeiro semestre
Docencia: Con docencia
Matrícula: Matriculable
Os obxectivos que nos propoñemos lograr atenden tanto á adquisición de coñecementos básicos sobre a disciplina, como á práctica de destrezas relacionadas cos devanditos coñecementos e adquisición de certas disposicións valorativas. Consideramos prioritario que o alumnado chegue a:
OBXECTIVOS XERAIS:
1. Comprender a complexidade do concepto da motricidade na Educación Infantil e as diferentes perspectivas dende as que pode abordarse o seu estudo.
2. Coñecer e analizar os elementos e contidos básicos da motricidade infantil que lle permitan argumentar e tomar decisións axustadas para a súa aprendizaxe.
3. Identificar, dende unha perspectiva globalizada, os contidos relativos á motricidade presentes no currículo da Educación Infantil.
4. Saber planificar e poñer en práctica simuladora os contidos da motricidade infantil e analizar, reflexionar, interpretar e sacar conclusións das observacións das prácticas realizadas.
5. Saber manexar cunha actitude crítica e reflexiva as fontes documentais propias da materia, utilizando con rigor académico a información extraída das diferentes fontes de información.
6. Valorar a importancia do mestre como investigador e colaborador, para mellorar a súa propia práctica, analizándoa e mantendo unha actitude de formación e innovación permanente.
OBXECTIVOS ESPECÍFICOS:
1. Deseñar programas de intervención psicomotriz a través dunha metodoloxía global e lúdica.
2. Desenvolver tarefas que poñan en práctica os contidos básicos da motricidade infantil.
3. Manexar de forma axeitada todos os recursos dispoñibles para mellorar o proceso didáctico da motricidade infantil.
4. Valorar o xogo como fin e como medio no desenvolvemento da motricidade infantil.
5. Valorar a expresión corporal como disciplina orientada ao desenvolvemento integral do alumnado nos seus primeiros anos de vida.
TEMA 1. A importancia da motricidade na etapa da Educación Infantil
- Análise da motricidade nas áreas curriculares do Decreto 330/2009
- Os obxectivos da motricidade nesta etapa
- Os contidos da motricidade nesta etapa
- As orientacións metodolóxicas
- Os criterios de avaliación
TEMA 2. Bases do desenvolvemento motor
- O desenvolvemento físico
- A evolución das adquisicións motrices de 0 a 6 anos
TEMA 3. Os contidos para o desenvolvemento da educación da motricidade infantil
- O esquema corporal.
- As habilidades perceptivas.
- As habilidades motrices básicas.
- A expresión corporal.
- O xogo.
TEMA 4. Didáctica para a educación da motricidade infantil
- A planificación didáctica
- A metodoloxía no proceso de ensino-aprendizaxe
- O xogo como recurso metodolóxico
- As actividades
- A avaliación do proceso de ensino-aprendizaxe
TEMA 5. Propostas curriculares
- Planificación de exemplificacións didácticas.
TEMA 6. Sesións prácticas
- Prácticas de ensinanza
BIBLIOGRAFÍA BÁSICA:
- Barcala-Furelos, R., Abelairas-Gómez, C., & Gil-Madrona, P. (2016). Didáctica de la Educación Física en Educación Infantil. Madrid: Síntesis.
- Gil, P. (2004). Metodología de la Educación Física Infantil. Sevilla: Wanceulen.
- Mendiara, J. & Gil, P. (2011). Psicomotricidad: evolución, corrientes y tendencias actuales. Sevilla: Wanceulen.
BIBLIOGRAFÍA COMPLEMENTARIA:
- Baqués, M. (2006). 600 Juegos para Educación Infantil. Barcelona: CEAC.
- Berruezo, P. & Lázaro, A. (2009). Jugar por jugar. El juego en el desarrollo psicomotor y en el aprendizaje infantil. Sevilla: Eduforma.
- Bonastre, M. & Fuste, S. (2007). Psicomotricidad y vida cotidiana (0-3 años). Barcelona: Grao.
- Cabezuelo, G. & Frontera, P. (2010). El desarrollo Psicomotor. Desde la infancia a la adolescencia. Madrid: Nancea.
- Cobos, P. (2006). El desarrollo psicomotor y sus alteraciones. Madrid: Pirámide.
- Comellas, M.J. & Perpinyà, A. (2005). Psicomotricidad en Educación Infantil. Barcelona: CEAC.
- Desrosiers, P. & Tousignant, M. (2005). Psicomoticidad en el aula. Barcelona: Inde.
- Gallahue, D.L. & Ozmun, J.C. (2005). Compreendendo o desenvolvimento motor. Brasil: Phorte Editora.
- Gil, P. (2003). Desarrollo Psicomotor en Educación Infantil (0-6 años). Sevilla: Wanceulen.
- Jiménez, J. & Jiménez, I. (2008). Psicomotricidad teoría y programación. Madrid: Wolters Kluwer.
- Justo, E. (2000). Desarrollo Psicomotor en Educación Infantil. Bases para la intervención en psicomotricidad. Almeria: Universidad de Almería.
- Le Boulch, J. (1995). El desarrollo Psicomotor desde el nacimiento hasta los seis años. Barcelona: Paidós.
- Pastor, J.L. (2007). Motricidad. Perspectiva psicomotricista de la intervención. Sevilla: Wanceulen.
- Pastor, J.L. (2007). Motricidad, ámbitos y técnicas de intervención. Guadalajara: Universidad de Alcalá.
- Ponce, A. (2009). La Educación motriz para niños de o a seis años. Madrid: Biblioteca Nueva.
- Rigal , R (2006). Educación motriz en preescolar y primaria. Barcelona: Inde.
- Vaca, M. & Varela, S. (2008). Motricidad y aprendizaje. Tratamiento pedagógico del ámbito corporal (3-6 años). Barcelona: Graó.
ARTIGOS:
- Arufe-Giráldez, V. (2019). ¿Cómo debe ser el trabajo de Educación Física en Educación Infantil?. Revista Retos, Nuevas Tendencias en Educación Física, Deportes y Recreación, 37, 588-596. DOI: https://doi.org/10.47197/retos.v37i37.74177
- Arufe-Giráldez, V., Abelairas-Gómez, C., Barcala-Furelos, R., & Teixeira-Costa, H. J. (2015). The influence of a structured physical education plan on preschool children’s psychomotor development profiles. Australian Journal of Early Childhood, 40(2), 68-77.
- Berruezo, P. P. (2008). El contenido de la psicomotricidad. Reflexiones para la delimitación de su ámbito teórico y práctico. Revista Interuniversitaria de Formación del Profesorado, 62, 19-34.
- Camps, C. (2008). La observación de la intervención del psicomotricista: actitudes y manifestaciones de la transferencia. Revista Interuniversitaria de Formación del Profesorado, 62, 123-154.
- Cortés-Morales, P. J. (2020). La relación entre la edad cronológica y la edad motora en el desarrollo de la motricidad global en niños de 3 a 6 años. Journal of Sport and Health Research, 12(supl 3), 221-230.
- Gil, P., Contreras, O. R., & Gómez, I. (2008). Habilidades motrices en la infancia y su desarrollo desde una Educación Física animada. Revista Iberoamericana de Educación, 47, 71-96.
- Gil, P., Contreras, O. R., Gómez, I., & Gómez, S.
COMPETENCIAS BÁSICAS E XERAIS
G1 - Comprender os procesos educativos e de aprendizaxe no periodo de 0-6, no contexto familiar, social e escolar.
G2 - Promover e facilitar as aprendizaxes na primera infancia, dende unha perspectiva globalizadora e integradora das diferentes dimensións cognitiva, emocional, psicomotora e volitiva.
G4 - Fomentar a convivencia na aula e fóra dela e abordar a resolución pacífica de conflictos. Saber observar sistemáticamente contextos de aprendizaxe e convivencia e saber reflexionar sobre eles.
G11 - Reflexionar sobre as prácticas de aula para innovar e mellorar a labor docente. Adquirir hábitos e destrezas para a aprendizaxe autónoma e cooperativa e promovela entre o alumnado.
CB2 - Que o alumnado sepa aplicar os sus coñecementos ao seu traballo ou vocación dunha forma profesional e posúan as competencias que soen demostrarse por medio da elaboración e defensa de argumentos e da resolución de problemas dentro da súa área de estudo.
CB3 - Que o alumnado teña a capacidade de reunir e interpretar datos relevantes (normalmente dentro da súa área de estudo) para emitir xuizos que inclúan unha reflexión sobre temas relevantes de índole social, científica ou ética
CB4 - Que o alumnado poida transmitir información, ideas, problemas e solucións a un público tanto especializado como non especializado.
CB5 - Que o alumnado desenvolva aquellas habilidades de aprendizaxe necesarias para emprender estudos posteriores cun alto grao de autonomía.
COMPETENCIAS TRANSVERSAIS
T2 - Coñecemento instrumental da lingua galega.
T3 - Coñecemento instrumental das tecnoloxías da información e da comunicación.
COMPETENCIAS ESPECÍFICAS
E.53. - Coñecer os fundamentos musicais, plásticos e de expresión corporal do currículo desta etapa así como as teorías sobre a adquisición e desenvolvemento das aprendizaxes correspondentes.
E.54. - Coñecer e empregar cancións para promover a educación auditiva, rítmica e vocal.
E.55. - Saber empregar o xogo como recurso didáctico, así como deseñar actividades de aprendizaxe baseadas nos principios lúdicos.
E.56. - Elaborar propostas didácticas que fomenten a percepción e expresión musicais, as habilidades motrices, o debuxo e a creatividade.
SESIÓNS EXPOSITIVAS.
A proposta metodolóxica a empregar pretende conxugar o formato de clase expositiva coas metodoloxías activas e participativas, así como o traballo autónomo e a autoaprendizaxe. As actividades presenciais terán como obxectivo introducir e explicar o sentido dos temas, clarificar os conceptos importantes, dar unha visión global dos contidos e relacionar coñecementos para facilitar a significatividade das aprendizaxes, polo que a exposición se acompañará, cando sexa pertinente, de organizadores previos, definicións, cadros sinópticos, esquemas, etc. O apoio de material visual e recursos en rede empregaranse para clarexar os contidos tratados e servir de referencia e punto de partida para os traballos e actividades de carácter grupal.
SESIÓNS INTERACTIVAS
Co traballo interactivo en laboratorio, ademais de afondar máis pormenorizadamente nos contidos específicos, preténdese dotar ao alumnado das ferramentas necesarias para a realización dun traballo autónomo (busca e manexo de diferentes fontes de información, comparacións a nivel teórico-explicativo, establecemento de relacións conceptuais…), propiciar a transferencia da teoría á práctica, que o alumnado aprenda a elaborar e presentar informes, confronte diferentes puntos de vista e sexa capaz de construír significados compartidos axudado da labor mediadora do docente. A concreción das tarefas requiridas e os materiais necesarios serán presentados polo alumnado nas correspondentes sesións de clase.
Nas sesións interactivas realizaranse diferentes actividades de carácter práctico que se especificarán na Guía Docente de cada un dos temas. Os resultados do traballo, habitualmente realizado en grupo, deberán ser defendidos, nalgúns casos, oralmente e mediante a práctica ante os compañeiros e, posteriormente, debatidos en gran grupo.
Para cada un dos temas proporcionarase información detallada nas exposicións, ademais do material bibliográfico especificado na Guía Docente da materia, ao que se lle poderá engadir materiais de estudio especificamente para cada tema tratado (lecturas obrigatorias ...). A totalidade do material das clases expositivas e interactivas será obxecto de estudio básico para o exame da materia e estará a disposición do alumnado no campus virtual da USC.
TITORÍAS
As titorías individuais e/ou de grupo, a demanda do alumnado, servirán para aclarar ou comentar aspectos do traballo realizado nas clases expositivas e interactivas. As titorías serán fundamentalmente de carácter presencial, se ben poderán realizarse tamén de xeito virtual.
ACTIVIDADES COMPLEMENTARIAS
Cando as condicións e requisitos da materia, a valoración e coordinación co alumnado ou os orzamentos do centro o permitan, poderanse desenvolver saídas didácticas, experiencias de Aprendizaxe-Servizo (ApS) ou mesmo desenvolver sesións fóra das instalacións da facultade, podendo empregar espazos naturais ou mesmo instalacións deportivas municipais.
Seguindo o fío de formación centrada na aprendizaxe do alumnado, a avaliación recollerá todos os aspectos do proceso de ensino-aprendizaxe. Para realizar esta avaliación, o docente empregará aqueles instrumentos que axuden a recoller datos de todo o proceso desenrolado polo alumnado, tanto nas clases expositivas como nas interactivas, a través de escalas de observación, o diario, formularios de autoavaliación, cuestionarios e probas de coñecemento teórico, entre outros. A cualificación global do estudante na materia procederá:
- Un 40% da cualificación dos resultados dunha proba (exame) sobre os contidos dos temas tratados nas clases expositivas, nas interactivas e nas lecturas obrigatorias. É preceptivo ter acadado un 50% neste exame para sumar o resto de cualificacións que contribúen á nota final da materia.
- Un 40% da cualificación do traballo realizado nas sesións interactivas. Neste apartado valorarase a presentación dun traballo práctico (tipo programación) e a aplicación práctica dunha sesión ante o grupo/clase, na que o alumnado poda mostrar as habilidades mostradas nesa unidade de programación e a defensa da mesma. Neste apartado valorarase a calidade dos contidos, o grao de axuste ás directrices dadas, a competencia expositiva, a orixinalidade, as achegas críticas e a evidencia de traballo en grupo (non a suma de respostas individuais). É preceptivo ter aprobadas ambas partes (traballo teórico e exposición de clase) para sumar á cualificación obtida na proba escrita (exame).
- Un 10% da participación activa, tanto nas clases expositivas como interactivas, valorando a actitude, predisposición á aprendizaxe, propostas de mellora e achegas que contribúan á consecución dos obxectivos marcados para as sesións deseñadas.
- Un 10% dunha proposta de traballo colectivo, en gran grupo, no que se faga fincapé nos contidos desenvolvidos na materia.
OBSERVACIÓNS:
- Para poder ser avaliado na materia, o estudante deberá ter participado, realizado e presentado, aló menos, un 80% das actividades requiridas nas sesións interactivas (Consello de Goberno de 25 marzo de 2010). Os que superen ese 80% non poderán aprobar a materia na convocatoria de xaneiro. En sucesivas convocatorias poderán facelo realizando, ademais dunha proba teórico-conceptual, outra de corte práctico-aplicado que avaliará as competencias procedimentais.
- O alumnado que non supere o exame pero teñan aprobadas as actividades realizadas nas sesións interactivas poderá presentarse ao exame oficial do mes de xullo sen necesidade de facer traballos ou probas adicionais. O alumnado que non teña superada algunha das actividades realizadas nas sesións interactivas pero si o exame, no mes de xullo poderá avaliarse unicamente daquelas actividades-procedementos non superados.
- Nos casos que se contemplan na normativa da facultade, o alumnado que teña solicitada e concedida a exención de docencia ou dispensa de asistencia, deberá presentar ao profesor a devandita certificación ao comezo de curso. Pódense dar os seguintes casos:
• Exención de docencia ás clases expositivas. O alumnado terá que facer a proba (exame) dos contidos teóricos (40%), asistir ao 80% das sesións interactivas e realizar as tarefas desta parte ao igual que o resto de compañeiros/as (40%). A parte de valoración da participación activa das sesións expositivas ou do traballo colectivo valorarase mediante a entrega de traballos semellantes aos solicitados ao resto do alumnado para esta parte da avaliación ou da participación en determinados proxectos, de ser o caso.
• Exención de docencia de todas as sesións ou dispensa de asistencia (todas as sesións). O alumnado fará o exame de xaneiro (40%) ao igual que o resto de compañeiros/as e, para a parte interactiva (60%), realizará o/s traballo/s que lle encomende o profesor da materia sobre os contidos tratados ao longo do curso (traballos escritos, exposicións teóricas e prácticas...).
Calquera traballo copiado suporá o suspenso da materia na correspondente convocatoria. Para efectos avaliativos un mesmo traballo non pode ser utilizado para varias materias, salvo que se programasen de forma coordinada.
“Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos/as estudantes e de revisión de cualificacións”.
- Nº total sesións teóricas: 24h.
- Nº total seminarios: 24h.
- Titorías concertadas 4h.
- Total horas presenciais. 52h.
- Traballo persoal do alumno: 100h.
- É importante que o alumnado se implique activamente dende o inicio na dinámica e funcionamento da materia para lograr superala con éxito. Recoméndase unha abordaxe comprensiva e significativa dos contidos teóricos e prácticos da materia.
DATOS DO PROFESOR:
NOME: José Eugenio Rodríguez Fernández (Departamento de Didácticas Aplicadas)
DESPACHO: D001. Planta Baixa. Educación Física, Facultade de Ciencias da Educación
CORREO ELECTRÓNICO: geno.rodriguez [at] usc.es (geno[dot]rodriguez[at]usc[dot]es)
TELÉFONO: 881812014
HORARIO DE TITORÍAS:
Consultar páxina web da USC, no apartado de profesorado.
Tamén se pode facer uso do sistema de titorías virtuais a través do correo electrónico.
HORARIOS DA MATERIA:
Os horarios específicos aprobados pola Xunta de Facultade están dispoñíbeis na páxina web ou no taboleiro correspondente da Facultade.
RESPONSABILIDADE MEDIOAMBIENTAL:
En relación aos traballos persoais ou de grupo que se realicen para a materia ter en conta as seguintes indicacións:
- Evitar tapas de plástico ou outros envoltorios externos innecesarios.
- Sempre que sexa posible empregar grampas en lugar de encanutillados.
- Imprimir a dúas caras en calidade de aforro de tinta.
- Non empregar folios en branco como separadores de capítulos ou partes.
- Evitar anexos que non teñan referencia directa cos temas desenvolvidos.
PERSPECTIVA DE XÉNERO:
En atención a criterios de igualdade de xénero no ámbito universitario, recoméndase facer uso da linguaxe non sexista tanto no traballo cotiá de aula como nos traballos académicos encomendados. Pode obterse información ao respecto no enlace: http://www.usc.es/export/sites/default/gl/servizos/oix/descargas/lingua…
OUTRAS QUE O ALUMNADO DEBE TER MOI PRESENTE:
• Obrigatoriedade de uso da conta de correo rai.
• Obrigatoriedade de emprego das ferramentas tecnolóxicas institucionais: Campus Virtual, Microsoft Office 365, e outras ferramentas facilitadas pola facultade e autorizadas como ferramentas institucionais pola universidade (Lifesize, etc).
• Non se poderá empregar o de teléfono móbil, salvo cando se use como instrumento de traballo seguindo as indicacións dadas polo docente, responsabilizándose o alumnado das consecuencias legais e académicas que podan derivarse dun emprego non axeitado do mesmo.
• Ter en conta que o ensino-aprendizaxe (clases/titorías) é un proceso privado, enténdase privado como proceso de comunicación e intercambio entre o/a docente e o estudantado matriculado na materia.
• Obrigatoriedade do cumprimento da normativa de protección de datos https://www.usc.gal/es/politica-privacidad-proteccion-datos
PLAN DE CONTINXENCIA. ORGANIZACIÓN DA DOCENCIA E ADAPTACIÓN DO SISTEMA DE AVALIACIÓN DA APRENDIZAXE EN FUNCIÓN DA SITUACIÓN SANITARIA DO MOMENTO.
A) CRITERIOS DE ORGANIZACIÓN DA DOCENCIA EN FUNCIÓN DA SITUACIÓN SANITARIA DO MOMENTO.
CRITERIOS DE ORGANIZACIÓN DA DOCENCIA EN FUNCIÓN DA SITUACIÓN SANITARIA DO MOMENTO.
En función da situación sanitaria, a metodoloxía da ensinanza pode sufrir cambios que a permitan adaptarse a escenarios de docencia telemática ou de semipresencialidade. Estes serían os tres escenarios posibles:
Escenario 1. Normalidade adaptada (sen restricións á presencialidade física):
• A docencia expositiva e interactiva será fundamentalmente de carácter presencial. Non obstante, e de xeito excepcional, co fin de facilitar a compatibilidade coas actividades discentes e a mellora gradual das competencias dixitais do profesorado e o alumnado, a docencia presencial poderase combinar coa docencia virtual.
• As titorías serán fundamentalmente de carácter presencial, se ben poderán realizarse parcialmente de xeito virtual.
• O alumnado terá garantida a accesibilidade dos materiais que figuran na bibliografía básica de acordo coas condición do escenario.
Escenario 2. Distanciamento (restricións parciais á presencialidade física):
• A docencia expositiva poderá realizarse total ou parcialmente de xeito virtual, neste último caso, con preferencia polos mecanismos síncronos.
• Na docencia interactiva poderase combinar a presencialidade física e telemática, en todo caso, garantindo para a primeira un mínimo do 50% das horas prácticas.
• Garantirase o máximo grao de presencialidade física, dándolle preferencia á docencia interactiva.
• As titorías realizaranse, preferentemente, de xeito virtual.
• Adaptarase a metodoloxía ás condicións do centro e á normativa vixente nese momento. Se fose o caso poderíanse facer as exposicións (tanto por parte do profesorado coma do alumnado) de xeito virtual.
• O alumnado terá garantida a accesibilidade dos materiais que figuran na bibliografía básica de acordo coas condicións do escenario.
Escenario 3. Peche das instalacións:
• A docencia (expositiva e interactiva) e titorías serán completamente de carácter virtual, con preferencia polos mecanismos síncronos.
• Todas as exposicións por parte do alumnado faranse de xeito virtual.
• O alumnado terá garantida a accesibilidade dos materiais que figuran na bibliografía básica de acordo coas condición do escenario.
B) SISTEMA DE AVALIACIÓN DA APRENDIZAXE EN FUNCIÓN DA SITUACIÓN SANITARIA DO MOMENTO.
En función da situación sanitaria do momento, o sistema de avaliación pode sufrir cambios, adaptándose tamén ás condicións de docencia telemática ou de semipresencialidade. Estes serían os tres escenarios posibles:
Escenario 1. Normalidade adaptada (sen restricións á presencialidade física):
• Exame (presencial): 40% da nota final. É preceptivo ter acadado un 50% neste exame para sumar o resto de cualificacións que contribúen á nota final da materia.
• Sesións interactivas (exposicións e traballo): 40% da nota final. É preceptivo ter aprobadas ambas partes (traballo teórico e exposicións de clase) para sumar á cualificación obtida na proba escrita (exame).
• Participación activa nas sesións interactivas e expositivas: 10% da nota final.
• Traballo que implique a colaboración de todo o grupo: 10% da nota final.
Escenario 2 (distanciamento) e escenario 3 (peche das instalacións):
As ponderación de todas as partes que se van avaliar son as mesmas nos tres escenarios, salvo que neste escenario 2 (distanciamento) e 3 (peche das instalación) o exame será de forma non presencial, a través do campus virtual (preferentemente).
“Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións”.
José Eugenio Rodríguez Fernández
Coordinador/a- Departamento
- Didácticas Aplicadas
- Área
- Didáctica da Expresión Corporal
- Teléfono
- 881812014
- Correo electrónico
- geno.rodriguez [at] usc.es
- Categoría
- Profesor/a: Profesor Contratado/a Doutor
| Luns | |||
|---|---|---|---|
| 09:00-10:30 | Grupo /CLE_01 (A - Z) + Dobre Grao 3º | Galego | (CAMPUS NORTE) - AULA 52 |
| 10:30-12:00 | Grupo /CLIL_01 - Dobre Grao 3º | Galego | (CAMPUS NORTE) - XIMNASIO |
| 12:30-14:00 | Grupo /CLIL_04 (Lo - P) | Galego | (CAMPUS NORTE) - XIMNASIO |
| Martes | |||
| 09:00-10:30 | Grupo /CLIL_01 - Dobre Grao 3º | Galego | (CAMPUS NORTE) - XIMNASIO |
| 10:30-12:00 | Grupo /CLIL_02 (A - Fe) | Galego | (CAMPUS NORTE) - XIMNASIO |
| 12:30-14:00 | Grupo /CLIL_05 (Q - Z) | Galego | (CAMPUS NORTE) - XIMNASIO |
| Mércores | |||
| 10:30-12:00 | Grupo /CLIL_03 (Fi - Li) | Galego | (CAMPUS NORTE) - XIMNASIO |
| 12:30-14:00 | Grupo /CLIL_02 (A - Fe) | Galego | (CAMPUS NORTE) - XIMNASIO |
| Xoves | |||
| 12:30-14:00 | Grupo /CLE_01 (A - Z) + Dobre Grao 3º | Galego | (CAMPUS NORTE) - AULA 01 |
| Venres | |||
| 09:00-10:30 | Grupo /CLIL_05 (Q - Z) | Galego | (CAMPUS NORTE) - XIMNASIO |
| 10:30-12:00 | Grupo /CLIL_04 (Lo - P) | Galego | (CAMPUS NORTE) - XIMNASIO |
| 12:30-14:00 | Grupo /CLIL_03 (Fi - Li) | Galego | (CAMPUS NORTE) - XIMNASIO |
| 21.01.2022 12:00-14:00 | Grupo /CLE_01 (A - Z) + Dobre Grao 3º | (CAMPUS NORTE) - AULA 12 |
| 29.06.2022 16:00-18:00 | Grupo /CLE_01 (A - Z) + Dobre Grao 3º | (CAMPUS NORTE) - AULA 13 |