Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 99 Horas de Titorías: 3 Clase Expositiva: 24 Clase Interactiva: 24 Total: 150
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Ciencia Política e Socioloxía
Áreas: Socioloxía
Centro Facultade de Formación do Profesorado
Convocatoria: Primeiro semestre
Docencia: Con docencia
Matrícula: Matriculable | 1ro curso (Si)
Obxectivos referidos ao saber facer (Procedimentais)
1. Adquirir, consolidar ou progresar na competencia de traballo en grupo: Ser máis hábil á hora de traballar en grupo, hoxe con compañeiras/os de clase, no futuro con membros da comunidade educativa e da contorna.
2. Adquirir, consolidar ou progresar na competencia informacional: Ser máis hábil na procura de información de diversas fontes. Ser máis hábil á hora de seleccionar, organizar, sintetizar, analizar a información e ser quen de elaborar, a partir desta, un discurso argumental propio con cohesión e coherencia.
3. Consolidar ou progresar na competencia oral, fundamental para o futuro exercicio profesional.
4. Consolidar ou progresar na competencia lectora, fundamental para o futuro labor docente.
Obxectivos referidos ao saber ser (Actitudinais)
Adquirir, consolidar e/ou progresar no desenvolvemento de actitudes relacionadas co:
1. Compromiso social.
2. Compromiso ético.
3. Respecto cara a nova realidade social, plural e diversa.
4. Pensamento creativo.
5. Pensamento reflexivo sobre aspectos relacionados coa sociedade, a educación, a escola e a profesión docente.
6. Curiosidade científica sobre o mundo da educación, da escola, da infancia e da nenez.
7. Autonomía, responsabilidade, constancia, perseverancia, tenacidade, esforzo e hábitos de traballo diario.
Obxectivos referidos ao saber (Epistemolóxicos)
1. Coñecer as aportacións do saber sociolóxico á formación inicial do profesorado.
2. Coñecer a relación entre a Socioloxía da Educación coa Psicoloxía, a Pedagoxía, a Historia da educación e, especialmente, coa Didáctica.
3.Coñecer o proceso social de construción da identidade docente.
4. Coñecer a dimensión social da educación e, en particular, da escola.
5. Coñecer o papel da escola como axente de reprodución e cambio social.
6. Coñecer instrumentos para a reflexión sociopedagóxica sobre o feito educativo: reflexión desde e sobre a práctica.
7. Comezar a coñecer a complexidade da profesión docente e a necesidade de adaptación continua aos cambios sociais, culturais, tecnolóxicos, científicos, pedagóxicos… que se producen ao longo da vida profesional.
8. Saber relacionar a escola coa sociedade e coa contorna social próxima (local, territorial) e inmediata (familias) para entender a súas influencias e implicacións mutuas. Saber analizar a contorna social, local, territorial na que que se sitúa o centro escolar para deseñar propostas e desenvolver accións educativas en coherencia coas necesidades da contorna.
9. Coñecer as relacións e implicacións mutuas entre familia e escola. Saber recoñecer as variables máis importantes relacionadas coas familias que afectan á escola e, máis concretamente, ás nenas e nenos de Educación Infantil e de Educación Primaria.
10. Coñecer o impacto escolar dalgúns dos cambios máis significativos que afectan á sociedade actual (inmigración, cambio nos roles, estereotipos e relacións de xénero, novos modelos de familia, novas pantallas, internet e COVID19).
Bloques temáticos:
1. O papel da educación na sociedade actual. A construción da identidade docente.
2. Socialización e diversidade de modelos familiares.
3. Impacto educativo das TIC e dos medios de comunicación.
4. Cambios nas relacións de xénero e interxeracionais.
5. Multiculturalismo e interculturalidade na escola.
6. Discriminación e exclusión social. Teoría da reprodución social.
7. Socioloxía do currículo. Instrumentos de investigación para a reflexión sobre o feito educativo.
Notas:
Na Aula Virtual concrétanse os contidos específicos de cada bloque e apórtase a bibliografía específica para cada un dos bloques.
A secuencia no tratamento dos bloques temáticos pode variar segundo o título de Grao no que se imparte esta materia e de acordo coas dinámicas que se establezan nos grupos.
O enfoque no tratamento de certos contidos, os exemplos que se empreguen para ilustrar algunhas temáticas, os casos prácticos que se analicen así como determinados recursos e materiais que se utilicen, poderán ser diferentes de acordo co Grao no que se imparte esta materia (Educación Infantil ou Educación Primaria e Dobre Grao).
BIBLIOGRAFÍA XERAL:
- Bonal, X. (1998). Sociología de la Educación. Una aproximación crítica a las corrientes contemporáneas. Paidós.
- Fermoso Estébanez, P., y Pont Vidal, J. (eds.) (2000). Sociología de la Educación. Nau Llibres
- Fermoso Estébanez, P. (coord.) (1990). Sociología de la Educación. Alamex.
- Fernández Enguita, M. (coord.) (1999). Sociología de la Educación. Ariel.
- Fernández Palomares, F. (coord.) (2003). Sociología de la Educación. Pearson.
- García de León, Mª A., De la Fuente, G., Ortega, F. (eds.) (1993). Sociología de la Educación. Barcanova.
- Guerrero Serón, A. (1996). Manual de Sociología de la Educación. Síntesis.
- Imbernón, F. (ed.) (1999). La educación en el siglo XXI. Graó.
- Jerez Mir, R. (1990). Sociología de la Educación. Guía Didáctica y Textos Fundamentales. MEC.
- Ortega, F. et al. (comp.) (1989). Manual de Sociología de la Educación. Visor.
- Quintana Cabanas, J. Mª (1989). Sociología de la Educación. Dykinson.
ALGUNHAS PUBLICACIÓNS PERIÓDICAS DE INTERESE:
Revista CUADERNOS DE PEDAGOGÍA, Barcelona.
Revista AULA DE INNOVACIÓN EDUCATIVA, Barcelona.
Revista GALEGA DE EDUCACIÓN, Vigo.
Revista de INNOVACIÓN EDUCATIVA, Santiago de Compostela.
DICCIONARIO:
Giner. S.; Lamo de Espinosa, E.; Torres, C. (eds.) (1998). Diccionario de Sociología. Madrid: Alianza.
De acordo coas competencias que figuran no Plan de Estudos, as competencias a adquirir, consolidar e/ou mellorar nesta materia, son:
Competencias Xerais:
G7.- Colaborar cos distintos sectores da comunidade educativa e da contorna social. Asumir a dimensión educadora da función docente e fomentar a educación democrática para unha cidadanía activa.
G12.- Comprender a función, as posibilidades e os límites da educación na sociedade actual e os cambios fundamentais que afectan ós colexios de educación primaria e ós seus profesionais. Coñecer modelos de mellora da calidade con aplicación ós centros educativos.
Competencias Específicas:
E22.- Relacionar a educación co medio, e cooperar coa familia e a comunidade.
E23.- Analizar e incorporar de forma crítica as cuestións máis relevantes da sociedade actual que afectan á educación familiar e escolar: impacto social e educativo das linguaxes audiovisuais e das pantallas, cambios nas relacións de xénero e interxeneracionais; multiculturalidade e interculturalidade; discriminación e inclusión social e desenvolvemento sostible.
E24.- Coñecer a evolución histórica da familia, os diferentes tipos de familias, de estilos de vida e de educación no contexto familiar.
Competencias Básicas:
B3.- Que os estudantes teñan a capacidade de reunir e interpretar datos relevantes (normalmente dentro da súa área de estudio) para emitir xuízos que inclúan unha reflexión sobre temas relevantes de índole social, científica ou ética.
B4.- Que os estudantes poidan transmitir información, ideas, problemas e solucións a un público tanto especializado como non especializado.
Competencias Transversais:
T3.- Coñecemento instrumental das tecnoloxías da información e da comunicación.
O traballo por competencias esixe unha metodoloxía centrada no alumno/a. Con esta metodoloxía búscase unha progresiva autonomía (guiada) no proceso de ensino-aprendizaxe que favoreza que o estudante continúe, xa pola súa conta, o proceso de indagación científica.
Asemade traballar por competencias esixe unha metodoloxía de ensino-aprendizaxe cun enfoque integrador (globalizado e interdisciplinario) que permita establecer relacións entre diversas materias do mesmo módulo (“Infancia, Familia e Escola”, “Teoría e Historia da Educación Escolar”, "Psicoloxía do Desenvolvemento", "Teorías e Institucións Contemporáneas da Educación Infantil", "Didáctica e Profesión Docente", e “Didáctica e Tarefas Docentes").
As distintas actividades formativas se reparten entre un horario presencial (que corresponde ás sesións expositivas, sesións interactivas ou de seminario, sesións de titorías programadas), e un horario non presencial (que corresponde ás horas de traballo autónomo do alumnado).
En relación co horario presencial, distribúese do seguinte modo:
Sesións expositivas en gran grupo. Neste tipo de sesións a profesora conta cun maior protagonismo. Estas sesións están dirixidas a explicar os contidos teóricos; a presentar o programa e a guía docente da materia; a presentar, explicar e facer o seguimento en gran grupo do proxecto interdisciplinario de curso (PI); a realizar sesións formativas con profesionais externos e, na medida en que se dispoña de recursos económicos, a realizar unha saída de campo. As sesións expositivas tamén poden contemplar a exposición do proxecto interdisciplinario de curso.
A estas actividades en grupo grande correspóndenlle 24 horas, que esixirán 35 horas de traballo autónomo do alumno/a.
Competencias: E23, E24; G7, G12; B3, B4
Sesións interactivas ou de seminario. Neste tipo de sesións, en grupo mediano, o alumnado adquire maior protagonismo. A redución no número de alumnas/os por grupo permite establecer dinámicas de aula que favorecen a participación, o intercambio de coñecemento, a discusión e a reflexión. Nas sesións interactivas contemplase a posta en común de comentarios de texto, fílmicos, podcast, webinars, programas de radio, TV, entrevistas... de contido social e educativo. Tamén se contempla o análise de casos.
A estas actividades en grupo mediano correspóndenlle aproximadamente unhas 24 horas presenciais, que esixirán de 45 horas de traballo autónomo do alumnado.
Competencias: E23, E24; G7,G12; B3, B4; T3
Sesións de titorías programadas en pequeno grupo. Estas sesións están orientadas ao seguimento do proxecto interdisciplinario (PI). O horario e o espazo para a realización destas titorías acordarase entre a profesora e os grupos de traballo titorizados. Establécese un número de horas de asistencia obrigatoria a estas sesións.
Grupo de Titorías Programadas dun máximo de 15 alumnos/as e con 3 horas de duración. Competencias: E22, E23; G7, G12; B3, B4.
As titorías (presenciais -de despacho-, telemáticas -a través da plataforma institucional Ms Teams- por correo electrónico e/ou por teléfono puntual e excepcionalmente) están orientadas a atender ás necesidades individuais do alumnado. Estas titorías contemplan tamén o seguimento e a supervisión do proceso de elaboración do proxecto interdisciplinario de curso.
No tocante ao traballo non presencial do alumnado:
O traballo autónomo fora da aula está dirixido á realización de tarefas (tanto de carácter individual como grupal), relacionadas coas actividades propostas na materia. O tipo de tarefas que contempla o traballo autónomo son: traballo individual cos documentos da materia; redacción de comentarios de texto ou fílmicos; visualización de películas, documentais, reportaxes, podcast, o webinars… de contido socioeducativo; estudo da materia; preparación da exposición oral; elaboración do informe do PI; realización de procuras bibliográficas; preparación das tarefas que se acorden nos grupos de traballo, etc.
Coa finalidade de comprobar se o alumnado alcanzou os obxectivos da materia e, de acordo coa Normativa de avaliación da USC, proponse un sistema de avaliación de carácter integral, formativo e continuo. A continuación, especifícanse os elementos que se valorarán atendendo á tipoloxía do estudiantado (ordinario e con dispensa oficial).
SISTEMA DE AVALIACIÓN DO ESTUDIANTADO ORDINARIO
Poderá acollerse a este sistema de avaliación continua o alumnado que asista a un mínimo do 90% das sesións da materia (excepto naqueles casos de dispensa oficial de docencia ás clases teóricas). Así pois, ao tratarse dunha cuestión de obrigado cumprimento por parte do estudiantado (art. 1.1., Regulamento de asistencia a clase nas ensinanzas oficiais de Grao e Máster da Universidade de Santiago de Compostela), a ASISTENCIA será REXISTRADA dada a súa implicación nas actividades formativas presenciais, pero NON será VALORADA.
A. PARTICIPACIÓN NAS ACTIVIDADES DOCENTES (10% da cualificación final): 1 PUNTO
Para obter PUNTUACIÓN neste apartado será REQUISITO a asistencia a un mínimo do 90% das sesións.
Medio de avaliación:
As sesións expositivas dos contidos teóricos da materia complementaranse con sesións formativas a cargo de profesionais expertos e da realización de distintas tarefas obrigatorias que serán desenvolvidas e corrixidas en clase. Valorarase con até un punto tanto a realización destas tarefas como a participación nas sesións expositivas realizadas pola profesora e nas sesións a cargo de expertos. Así mesmo, por cada tarefa de clase non realizada ou non completada restaranse 0,1 puntos neste apartado.
B. PROBAS ESPECÍFICAS: (40% da cualificación final): 4 PUNTOS
Medio de avaliación: Proba obxectiva, tarefas prácticas e resolución de problemas. O exame, que terá un peso do 30% na cualificación e realizarase na data oficial, será unha proba obxectiva con preguntas de opción múltiple. As tarefas prácticas e/ou de resolución de problemas terán un peso do 10%.
C. INFORMES ESCRITOS E OUTRAS PRODUCIÓNS (40% da cualificación final):
Medio de avaliación: Informe do Proxecto Interdisciplinar de curso (PI) que se realizará coa materia: Didáctica e Profesión Docente.
O proxecto interdisciplinar contempla dúas modalidades principais: modalidade A (Aprendizaxe-Servizo) e modalidade B (Aprendizaxe Baseada en Proxectos). O profesorado das materias implicadas proporcionará unha guía docente coas pautas necesarias para a correcta elaboración do PI. Este material estará a disposición do alumnado na aula virtual da materia. Para o correcto seguimento deste proxecto o profesorado involucrado establecerá entregas obrigatorias parciais ao longo do cuadrimestre e indicará as tutorías obrigatorias de seguimento. Aquel alumnado que non cumpra coas súas responsabilidades grupales deberá continuar o traballo individualmente.
D. PRESENTACIÓNS OU PROBAS ORAIS ESPECÍFICAS (10% da cualificación final): 1 PUNTO
Medio de avaliación: Presentación oral do proxecto interdisciplinar (PI).
O alumnado que cumpra coa porcentaxe de asistencia que esixe a USC superará a materia se alcanza a puntuación mínima de 5 puntos totais (sobre 10).
Para sumar as puntuacións de todos os apartados é imprescindible superar a puntuación mínima no apartado B (Probas específicas) e C (Informes escritos e outras producións). É dicir, os/as estudantes deberán aprobar a proba específica e o proxecto interdisciplinar.
O alumnado que estea por baixo da porcentaxe de asistencia que esixe a USC non terá dereito a puntuar no apartado A (participación na aula), non podendo chegar á máxima cualificación da materia (10 puntos). Para sumar as puntuacións dos apartados restantes é imprescindible alcanzar a puntuación mínima no apartado B (Probas específicas) e C (Informes escritos e outras producións). Isto é, as/os estudantes deberán aprobar a proba específica e o proxecto interdisciplinar.
Aquel alumnado que non supere a materia constaralle a cualificación da parte suspensa ou, de ser o caso, a cualificación de Non Presentado (NP).
SISTEMA DE AVALIACIÓN PARA O ESTUDIANTADO CON DISPENSA OFICIAL DE ASISTENCIA.
O alumnado con dispensa, de acordo co artigo 33 ñ) dos Estatutos da Universidade, "ten dereito a unha atención e deseño das actividades académicas que faciliten a conciliación dos estudos coa vida persoal, familiar e laboral". Aínda que no artigo 130.2, tamén se establece que "ten o deber da asistencia e participación naquelas actividades formativas que se establezan como obrigatorias na programación docente". A efectos desta materia, o alumnado con dispensa oficial ás clases teóricas contará cun "plan de traballo individual" no que se detallarán as cuestións relativas á materia.
A. Participación e seguimento da materia (10% da cualificación final): 1 Punto
Para obter puntuación neste apartado será requisito asistir ao número mínimo de sesións de clase de carácter teórico-prácticas que, no seu caso, se sinalen como obrigatorias no plan de traballo individualizado. Tamén será requisito acudir ao mínimo de sesións formativas con profesionais externos (cuxa temática e data comunicarase coa debida antelación a través da A.V.) e asistir a un número mínimo de sesións de tutorías programadas, cuxa data e hora concretarase previo acordo entre as partes. Así mesmo, será obrigatorio ir polo menos a dúas tutorías ordinarias.
Os indicadores de avaliación que se terán en conta neste apartado serán:
Participación nas sesións prácticas que, no seu caso, se poidan establecer como obrigatorias.
Participación nas sesións formativas con profesionais externos que se sinalen como obrigatorias.
Participación nas tutorías programadas que se determinen como obrigatorias para o seguimento do proxecto interdisciplinar.
Asistencia e participación en polo menos dúas tutorías ordinarias obrigatorias. Na mesma semana na que o alumno/a reciba a comunicación oficial de aprobación de dispensa deberá enviar un correo á profesora solicitándolle unha primeira tutoría para acordar o "plan de traballo individual" a seguir. Nese mesmo correo achegarase o documento acreditativo da concesión de dispensa. O alumno/a deberá levar preparada a primeira tutoría demostrando que leu con detemento o programa da materia e a guía docente do PI.
Cumprimento dos aspectos burocráticos: Envío en tempo e forma dos correos e do documento acreditativo de dispensa.
Compromiso coas tarefas: Envío en tempo e forma das entregas parciais do PI e doutras tarefas que, no seu caso, se lle poidan requirir.
Resposta en tempo, ás mensaxes de correo da profesora.
B. Probas específicas (40% da cualificación final): 4 Puntos
Medio de avaliación: Proba obxectiva.
C. Informes escritos e outras producións (40% da cualificación final): 4 Puntos
Medio de avaliación: Informe do Proxecto Interdisciplinar.
Para o alumnado con dispensa contémplase a realización da modalidade B.
D. Presentacións ou probas orais específicas (10% da cualificación final): 1 Punto
Medio de avaliación: Presentación oral do proxecto interdisciplinar. A información e as pautas para a elaboración da presentación do PI estarán a disposición do alumnado no A.V. da materia.
O alumnado con dispensa de asistencia superará a materia se alcanza a puntuación mínima de 5 puntos totais (sobre 10). Para sumar as puntuacións de todos os apartados é imprescindible que alcance a puntuación mínima no apartado B (Probas específicas) e C (Informes escritos e outras producións). É dicir, a alumna/ou deberá aprobar a proba e o informe do proxecto interdisciplinar. Ao alumnado que non supere a materia constaralle a cualificación da parte suspensa ou, de ser o caso, a cualificación de Non Presentado (NP).
OUTROS ASPECTOS RELACIONADOS COA AVALIACIÓN DA MATERIA:
RE CUPERACIÓN DA MATERIA: Aquel alumnado, tanto ordinario como de dispensa, que non supere a materia na 1ª oportunidade, deberá recuperar a parte ou partes suspensas na 2ª oportunidade. Serán obxecto de recuperación os apartados B (proba específica) e C (informes escritos e outras producións). No que respecta ao apartado C (informes escritos e outras producións), establécese o seguinte:
- Se na 1ª oportunidade se optou pola modalidade A, o alumnado poderá repetir o informe ou realizar un novo proxecto interdisciplinar na modalidade B, a decisión da profesora da materia.
- Se na 1ª oportunidade se optou pola modalidade B, o alumnado continuará na mesma modalidade.
- Se na 1ª oportunidade non se presentou o proxecto Interdisciplinar, o alumnado deberá realizar a modalidade B. O alumnado que se atope nesta situación ten o deber de contactar coa profesora na primeira semana de febreiro (coincidindo co inicio do segundo semestre) para acordar con ela o plan de traballo a seguir. O alumnado ten a obriga de solicitar polo menos tres tutorías máis, a maiores da inicial, para o seguimento do proceso de elaboración do proxecto. O alumno/a non poderá presentar o PI se non realizou ao traballo ao longo de todo o segundo semestre. O alumnado NON poderá presentar o proxecto na 2º oportunidade sen cumprir con todas as obrigas. A data límite de entrega do proxecto correspóndese coa data oficial do exame da 2ª oportunidade.
ESTUDANTADO REPETIDOR (2ª e/ou sucesivas convocatorias): o alumnado repetidor que se acolleu na primeira convocatoria á avaliación continua e que no seu momento superase o requisito de asistencia, conservará as cualificacións superadas nos seguintes dous cursos académicos posteriores a cursala (a condición de que a materia sexa impartida polo profesor/a que figura no programa do curso académico en vigor). Transcorridos estes dous cursos académicos, se non supera a parte ou partes pendentes, terá que volver cursar a materia enteira. Aquel alumno/a repetidor/a que estivese matriculado na materia e non superase o requisito de asistencia será avaliado segundo o sistema e criterios de avaliación establecidos no curso académico en vigor para cada unha das situacións contempladas en relación co alumnado (ordinario ou con dispensa oficial de asistencia).
AVISO IMPORTANTE SOBRE A AVALIACIÓN:
Para os casos de realización fraudulenta de exercicios, tarefas ou probas será de aplicación o disposto na Normativa de avaliación do rendemento académico dos estudantes e de revisión de cualificacións, que establece que "a realización fraudulenta de calquera exercicio ou proba requirida na avaliación dunha materia suporá a cualificación de suspenso na correspondente convocatoria, con independencia do proceso disciplinario que se poida seguir contra o alumno/a infractor/a. Considérase fraudulenta, entre outras, a realización de traballos plaxiados ou obtidos de fontes accesibles ao público sen reelaboración ou reinterpretación e sen citacións aos autores e as fontes". A efectos desta materia, a detección de prácticas irregulares na elaboración de tarefas, informes, etc, levará a convocatoria inmediata do estudante a unha tutoría coa finalidade de comprobar, mediante o sistema de avaliación que a profesora estime oportuno, se houbo práctica irregular (deliberada ou non).
MODO DE AVALIAR AS COMPETENCIAS:
Competencias Xerais:
G7.- Proxecto Interdisciplinar.
G12.- Proxecto Interdisciplinar.
Competencias Específicas:
E22.- Probas de avaliación continua de todos os temas.
E23.- Probas de avaliación continua de todos os temas.
E24.- Proba obxectiva.
Competencias Básicas:
B3.- Probas de avaliación continua de todos os temas.
B4.- Proxecto Interdiscplinar.
Competencias Transversais:
T3.- Proxecto Interdisciplinar e probas de avaliación continua de todos os temas.
Aulas Expositivas: Horas Presenciais (23). Horas de Traballo Autónomo (46). Total: 69
Aulas Interactivas: Horas Presenciais (23). Horas de Traballo Autónomo (46). Total: 69
Titorías: Horas Presenciais (3). Horas de Traballo Autónomo (7). Total: 10
Revisión xeral Traballo de Curso: Horas Presenciais (2). Horas de Traballo Autónomo (0). Total: 2
Totais: 150 horas
Recomendacións:
* Responsabilidade individual e colectiva á hora de realizar os traballos de grupo cos compañeiros/as. Compromiso individual coas tarefas, asistencia a cantas reunións de grupo de traballo se establezan, entrega en tempo e forma das tarefas encomendadas, etc.
* Traballo autónomo: Preparación de tarefas para as sesións interactivas e para as titorías de seguimento do PI.
* Traballo diario: Por respeto aos compañeiros/as de grupo e por compromiso coas tarefas encomendadas, é altamente aconsellable que o alumnado NON deixe o traballo para o final. O alumno/a debe amosar implicación nos traballos, debe participar activamente nas reunións de grupo aportando ideas e coñecementos e debe responder en tempo e forma aos correos e/ou a outros servizos de mensaxería que teña acordado empregar o grupo.
* Entrar con regularidade na A.V. da materia. A materia contará co apoio de materiais subidos á Aula Virtual. O alumnado atopará na A.V. a guía para a realización do proxecto interdisciplinario de curso e as orientacións para realizar calquera outro tipo de tarefa que se lle poida encomendar. Na A.V. estará a bibliografía xeral da materia (debidamente actualizada) e a bibliografía de traballo específica.
*Entrar con regularidade no correo electrónico institucional.
*Asistir as titorías: os horarios de titorías da profesora estarán a disposición do alumnado na páxina web da USC. Haberá uns horarios diferentes para o primeiro e para o segundo semestre.
SOBRE A NORMATIVA DE CONVIVENCIA DA USC:
A profesora velará polo cumprimento do regulamento e polo desenvolvemento dos principios que nel se sinalan.
En cumprimento da Lei 3/2022, do 24 de febreiro, de convivencia universitaria, a USC aprobou en marzo de 2023 o Regulamento polo que se establecen as normas de convivencia da USC, que procura establecer as bases das relacións no ámbito universitario, fomentando a utilización preferente de modalidades alternativas de resolución dos conflitos que poidan alterar a convivencia ou que impidan o normal desenvolvemento das funcións esenciais de docencia, investigación e transferencia do coñecemento (https://www.usc.gal/gl/usc/institucional/convivencia)
Consonte ao artigo 40 apartado (e) do mencionado regulamento polo que se establecen as normas de convivencia da USC, considéranse faltas graves, entre outras:
c) Apoderarse indebidamente do contido de probas, exames ou controis de coñecemento.
e) Impedir a celebración de actividades de docencia, investigación ou transferencia do coñecemento, exercendo violencia ou provocando graves alteracións nas actividades, sen prexuízo dos dereitos recoñecidos no artigo 3 da Lei de convivencia universitaria.
f) Cometer fraude académica, cando non constitúa falta moi grave.
g) Utilizar indebidamente contidos ou medios de reprodución e gravación das actividades universitarias suxeitas a dereitos de propiedade intelectual.
No artigo 43 do mencionado regulamento se poden consultar as sancións disciplinarias que corresponden ás faltas leves, graves e moi graves.
SOBRE O USO DAS FERRAMENTAS TECNOLÓXICAS INSTITUCIONAIS que a USC pon a disposición da súa comunidade universitaria (e-mail institucional, Campus Virtual, Microsoft 365) así como outras autorizadas como ferramentas institucionais, tanto para a COMUNICACIÓN — uso do correo electrónico oficial da USC (@rai.usc.es)—como para o TRABALLO ACADÉMICO. Non se aceptarán medios de comunicación externos.
SOBRE A RESPONSABILIDADE MEDIOAMBIENTAL:
Entrega de traballos individuais ou de grupo empregando, preferentemente, o soporte dixital (Aula Virtual ou outros análogos). Cando se solicite entrega de traballos individuais e/ou grupais en formato impreso, teranse en conta as seguintes indicacións (sempre que sexa posible): evitar tapas de plástico/envoltorios
externos innecesarios; empregar grampas; imprimir a dúas caras en calidade “aforro de tinta”; non empregar folios en branco como separadores de capítulos/partes; evitar anexos innecesarios.
SOBRE OS CRITERIOS DE IGUALDADE DE XÉNERO NO ÁMBITO UNIVERSITARIO:
Máis información ao respecto, na seguinte ligazón: http://www.usc.es/export/sites/default/gl/servizos/oix/descargas/lingua…
SOBRE O CUMPRIMENTO DA NORMATIVA DE PROTECCIÓN DE DATOS:
Máis información na seguinte ligazón: https://www.usc.gal/es/politica-privacidad-proteccion-datos
SOBRE O USO DO LOGOTIPO DA USC:
Artigo 15 do Regulamento polo que se establecen as normas de convivencia da USC. Utilización do nome, logotipo e escudo da USC. A utilización do nome, logotipo e escudo da USC non é libre. Está reservada aos órganos e membros da comunidade universitaria para fins académicos ou para outros fins expresamente autorizados, así como ás persoas ou entidades ás que se lles permita o seu uso previo contrato ou convenio. En todo caso, o uso será conforme ás normas e protocolos aprobados pola USC.
SOBRE O REGULAMENTO DE USOS LINGÜÍSTICOS DA UNIVERSIDADE DE SANTIAGO DE COMPOSTELA:
Artigo 7. Usos lingüísticos académicos.
2. Na actividade docente, o profesorado e o estudantado utilizarán a lingua oficial da súa preferencia, sen prexuízo do uso doutras linguas cando estas sexan o obxecto de estudo da materia ou por mor de plans aprobados polos órganos de goberno correspondentes.
3. A programación docente das materias publicarase nas dúas linguas oficiais, galego e castelán, e, de ser o caso, en inglés ou noutras linguas.
4. Na programación docente declararase a lingua ou linguas de impartición por cada materia, grupo e profesor, de acordo coas necesidades de transparencia. Tales datos reflectiranse na información oficial que se forneza sobre as titulacións, para que o alumnado poida coñecela debidamente antes do inicio do curso. Esta información será vinculante e terá efectos oficiais tanto para o profesorado como para o alumnado.
5. O alumnado terá dereito a responder na lingua oficial da súa elección nos exames e outras probas avaliadoras, escritas ou orais. Tamén poderá utilizar outras linguas en casos específicos recollidos na guía docente da materia correspondente.
https://assets.usc.gal/sites/default/files/documents/2023-10/Regulament…
SOBRE O ALUMNADO CON NECESIDADES ESPECÍFICAS DE APOIO EDUCATIVO:
O alumnado con NEAE (Necesidades Específicas de Apoio Educativo) deberá contactar á maior brevidade posible co Servizo de Participación e Integración Universitaria (SEPIU).
Marta Maria Poncet Souto
- Departamento
- Ciencia Política e Socioloxía
- Área
- Socioloxía
- Teléfono
- 982821032
- Correo electrónico
- martamaria.poncet [at] usc.es
- Categoría
- Profesor/a: Profesor Contratado/a Doutor
Montserrat Dopico Gonzalez
Coordinador/a- Departamento
- Ciencia Política e Socioloxía
- Área
- Socioloxía
- Correo electrónico
- montserrat.dopico.gonzalez [at] usc.es
- Categoría
- Profesor/a: Axudante Doutor LOSU
| Mércores | |||
|---|---|---|---|
| 13:30-15:00 | Grupo /CLE_01 | Castelán | Aula 29 |
| Xoves | |||
| 10:30-12:00 | Grupo /CLIS_02 | Galego | Aula 26 |
| 12:00-13:30 | Grupo /CLIS_03 | Galego | Aula 26 |
| 13:30-15:00 | Grupo /CLIS_01 | Galego | Aula 26 |
| 14.01.2026 19:00-21:00 | Grupo /CLE_01 | Aula 24 |
| 14.01.2026 19:00-21:00 | Grupo /CLE_01 | Aula 29 |
| 19.06.2026 12:00-14:00 | Grupo /CLE_01 | Aula 29 |