Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 99 Horas de Titorías: 3 Clase Expositiva: 24 Clase Interactiva: 24 Total: 150
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Xeografía
Áreas: Análise Xeográfica Rexional
Centro Facultade de Xeografía e Historia
Convocatoria: Segundo semestre
Docencia: Con docencia
Matrícula: Matriculable
A Xeografía Rexional do Mundo II é complementaria da Xeografía Rexional do Mundo I, por iso comparte como obxectivo a explicación e a comprensión do mundo na actualidade, potenciando a análises dos procesos territoriais asociados á globalización. As transformacións no tempo da organización do espazo xeográfico obrigan a concibilo como un sistema no que a relación entre o medio físico e humano é produto da existencia de densas redes de fluxos, uns tanxibles e outros intanxibles, que están a xerar de continuo novas territorialidades e novos marcos de relación entre os lugares e as persoas. Nela farase especial fincape na diferenciación rexional.
A Xeografía Rexional do Mundo ten como obxectivo principal a explicación e a comprensión do mundo na actualidade, facendo fincapé nos procesos territoriais asociados á globalización. As transformacións no tempo da organización do espazo xeográfico obrigan a concibilo como un sistema no que a relación entre o medio físico e o home son resultado da existencia de densas redes de fluxos, tanxibles e intanxibles, que xeran continuadamente novas territorialidades e novos marcos de relación entre os lugares e as persoas. Por iso é necesario proporcionar unha visión global dos procesos económicos e sociais que explican a organización espacial e establecer os principais factores de articulación e diferenciación rexional. Neste segundo cuadrimestre, insistirase en explicar os diferentes conxuntos rexionais e continentes do mundo, excluída Europa.
Estes contidos desenvolveranse no seguinte temario:
BLOQUE I. O SISTEMA MUNDO.
BLOQUE II. ESTRUTURAS ESPACIAIS EN ÁREAS DESENVOLVIDAS
Tema 1. Rusia e a Comunidade de Espazos Independentes ( CEI): un espazo en transición
Tema 2. América do Norte: espazo contrastado para unha sociedade e economías de escala planetaria.
Tema 3. Australia e Nova Zelandia: peculiaridades dun modelo de desenvolvemento no Pacífico Sur.
Tema 4. Xapón: un modelo dependente das exportacións
BLOQUE III. ESTRUTURAS ESPACIAIS EN ÁREAS DEPENDENTES
Tema 5. Asia Meridional: transformacións e desequilibrios nun espazo dinámico.
Tema 6. El mundo árabe-musulmán nun contexto global: as dimensións económica, política e social.
Tema 7. África ao sur do Sáhara: un escenario de novas oportunidades.
BLOQUE IV. ESTRUTURAS ESPACIAIS EN ÁREAS DE TRANSICIÓN E PERIFÉRICAS
Tema 8. América Latina: unha rexión en permanente construción.
Tema 9. China: o debate entre a predemocracia e as tensións económicas.
Tema 10. Os territorios marxinais e novos espazos.
ABELLÁN, A. Y OTROS: La población del mundo. Madrid, Editorial Síntesis, 1998.
ALONSO, J. A. (director): Diez lecciones de economía mundial. Madrid, Civitas, 2000.
AMIN, S.: El cuarto Mundo: subdesarrollo endémico en África. En Andre Gunder Frank, Economistas de izquierdas y otros, El nuevo rostro del capitalismo, Barcelona, Hacer Editorial, 2005.
AZCÁRATE LUXÁN, B.; AZCÁRATE LUXÁN, Mª V.; SÁNCHEZ SÁNCHEZ, J.: Grandes espacios geográficos: el mundo desarrollado. Madrid, UNED, 2008
AZCÁRATE LUXÁN, B.; AZCÁRATE LUXÁN, Mª V.; SÁNCHEZ SÁNCHEZ, J.: Grandes espacios geográficos: subdesarrollo y países emergentes. Madrid, UNED, 2009.
BECK, U.: La sociedad del riesgo. Hacia una nueva modernidad. Barcelona, Paidós, 1998.
BRUNET, R. (dir): Géographie Universelle. Paris, Belin-GIP Reclus, 1990-1996 (10 vols.)
HOBBS, J.J. (2009): World Regional Geography. Belmont, Brooks/Cole.
JOHNSON, D.L (et alt) (2015): World Regional Geography. Boston:Pearson.
LUTTWAK, E.: Turbocapitalismo. Quiénes ganan y quiénes pierden en la globalización. Barcelona, Crítica, 2000.
MÉNDEZ, R.: El nuevo mapa geopolítico del mundo. Valencia, Tirant Lo Blanc, 2011.
MÉNDEZ, R. y MOLINERO, F.: Espacios y sociedades. Introducción a la geografía regional del mundo. Barcelona, Ariel, 2008.
NIETO SOLÍS, J. A.: Organización económica internacional y globalización. Madrid, Siglo XXI, 2005.
NOGUÉ FONT, J. y VICENTE RUFÍ, J.: Geopolítica, identidad y globalización. Barcelona, Ariel Geografía, 2001.
ROMERO, J.: Geografía humana: procesos, riesgos e incertidumbres en un mundo globalizado. Barcelona, Ariel, 2007.
PULSIPHER, L. M., PULSIPHER A. y JOHANSSON, O.: World regional geography: Global patterns, local lives. New York, W. H. Freeman and Company, 2019.
Xenerais e Básicos
CG1 - Asegurar unha formación xeneralista e de carácter integrado sobre os contidos fundamentais dos diversos ámbitos
temáticos da Xeografía, o seu desenvolvemento epistemológico e os seus métodos de investigación.
CG2 - Coñecer, comprender e interpretar o territorio
CG3 - Interrelacionar o medio físico e ambiental coa esfera social e humana
CG4 - Combinar un enfoque xeneralista cunha análise especializada
CG5 - Interrelacionar os fenómenos a diferentes escalas territoriais
CG6 - Explicar a diversidade de lugares, rexións e localización
CG7 - Comprender as relacións espaciais. Valorar os aspectos culturais na súa interpretación
CG8 - Analizar e interpretar as paisaxes
CG9 - Xerar sensibilidade e interese polos temas territoriais e ambientais
CB1 - Que os estudantes demostrasen posuír e comprender coñecementos nunha área de estudo que parte da base da educación secundaria xeral, e adóitase atopar a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo
CB2 - Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo
CB3 - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética
CB4 - Que os estudantes poidan transmitir información, ideas, problemas e solucións a un público tanto especializado como non especializado
CB5 - Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía
Transversais
CT2 - Coñecer a diversidade de espazos xeográficos e os aspectos de Xeografía humana, económica e social; Xeografía física e medio ambiente
CT3 - Coñecer os principios da Ordenación do territorio
CT4 - Combinar as dimensións temporal e espacial na explicación dos procesos socio-territoriais
CT7 - Xestionar a complexidade
CT5 - Relacionar e sintetizar información territorial transversal
CT8 - Ordenar e sintetizar a información
CT9 - Expoñer e transmitir os coñecementos xeográficos
Específicos
CE1 - Realizar análises integradas do territorio
CE2 - Coñecer as técnicas de traballo de campo e de captura de datos sobre a terreo
CE3 - Utilizar Sistemas de Información Xeográfica
CE4 - Expresar información cartográficamente
CE5 - Elaborar e interpretar información estatística
O temario desenvolverase da maneira máis equilibrada posible en función da importancia de cada tema, combinando a docencia expositiva coas prácticas de aula. A parte interactiva desenvolverase na aula, no campo e a por medio de actividades non presenciais. Estas actividades, individuais ou colectivas, consistirán na análise e comentario crítico dos materiais que se lles indiquen e na preparación dun tema para a súa exposición na aula. Ofertarase unha práctica sobre un tema de actualidade a elaborar, con titorización e seguimento, ao longo do cuadrimestre. A realización das prácticas de campo está condicionada ás posibilidades orzamentarias.
Docencia expositiva: nas sesións de docencia expositiva, o profesorado explicará de maneira presencial na aula os conceptos teórico-prácticos dos contidos, apoiándose en presentacións multimedia. Respecto ao material para o seguimento da materia, ademais da bibliografía recomendada, o alumnado dispoñerá do material docente complementario na aula virtual.
Docencia interactiva: as sesións de docencia interactiva levarán a cabo na aula establecida no horario ou fora da Facultade. Cando exista algunha actividade que así o aconselle (conferencias, exposicións...), convidarase á súa asistencia, compensando o tempo empregado niso.
Titorías personalizadas: realizaranse de maneira persoal ou a través do correo electrónico ou a aula virtual, cando por razón xustificada non poida vir ás mesmas no horario establecida.
A avaliación da aprendizaxe comprende tanto o proceso como o resultado obtido. Propóñense para o es unha avaliación continua formativa con proba final., que estimule ao alumnado para ser axente activo da súa propia formación. O rendemento do alumno/a na materia vai depender so seu esforzo persoal, do traballo sistemático e da súa capacidade.
A avaliación será continua e formativa, aplicándose da seguinte maneira:
1. Realización, defensa pública e entrega das actividades propostas: 50%. A entregar na aula virtual.
2. Traballo sen exposición pública 30%. A entregar na aula virtual ao finalizar o mesmo.
3. Participación na aula e seminarios: 20%
No caso de que algunha ou algún estudante non puidese cumprir cos requisitos anteriores, previa xustificación documentada das razóns que llo impiden ou impediron, fixaráselle un procedemento singularizado a través do cal poderá cubrir os baleiros ocasionados no proceso por causas sobrevindas (non se inclúen aquelas causas susceptibles de dispensa). Cando así ocorra deberá comunicala tan pronto como lle sexa posible. O traballo práctico realizado deberá ser entregado na aula virtual (non se recollerán os que se entreguen por outra vía, salvo demanda expresa) no prazo que se establecerá para o efecto.
Naqueles casos nos que o alumnado non alcance o aprobado, realizarase un exame teórico da materia programada na data oficial extraordinaria establecida polo Centro. Ao finalizar o exame abrirase unha tarefa na aula virtual para que entregue todas as prácticas realizadas durante o curso, por iso terá que traelas nun soporte de almacenamento que lle permita achegalas de xeito presencial.
Dispensa:
O alumnado ao que lle sexa concedida dispensa de asistencia ás aulas (seguindo a Instrución Nº 1/2017 da Secretaría Xeral sobre dispensa de asistencia a clase en determinadas circunstancias), avaliarase cunha proba teórico-práctica final de acorde coa súa situación, que supoñerá o 100% da cualificación.
Realización fraudulenta de exercicios ou probas:
Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.
Horas de traballo presencial do alumnado: 51 horas.
• Expositivas 32 horas.
• Interactivas 16 horas.
• Titorías persoais 3 horas.
Horas de estudo e traballo persoal: 103 horas.
• Estudo/traballo individual ou en grupo 60 horas.
• Procura de fontes e información, lecturas recomendadas, visualización de material gráfico 28 horas.
• Preparación de presentacións 8 horas.
• Outros 7 horas.
Traballo continuado ao longo do período de aulas. A asistencia e participación nas sesións expositivas e interactivas e fundamental para superar a materia.
Realización da totalidade de actividades que se propoñan para ser avaliado.
Recoméndanse como actividade formativa os cursos de Competencias da Información que oferta a Biblioteca: https://www.usc.gal/gl/servizos/biblioteca/servizos/competencias.html
Realización fraudulenta de exercicios ou probas:
Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.
Jose Ignacio Vila Vazquez
Coordinador/a- Departamento
- Xeografía
- Área
- Análise Xeográfica Rexional
- Correo electrónico
- jose.vila.vazquez [at] usc.es
- Categoría
- Profesor/a: Profesor Axudante Doutor LOU
| Luns | |||
|---|---|---|---|
| 09:00-11:00 | Grupo /CLE_01 | Galego | Aula 07 |
| Xoves | |||
| 11:00-13:00 | Grupo /CLE_01 | Galego | Aula 07 |
| 24.05.2024 16:00-18:30 | Grupo /CLE_01 | Aula 03 |
| 24.05.2024 16:00-18:30 | Grupo /CLE_01 | Aula 04 de Informática |
| 24.05.2024 16:00-18:30 | Grupo /CLE_01 | Aula 17 de informática |
| 03.07.2024 16:00-18:30 | Grupo /CLE_01 | Aula 09 |