Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 99 Horas de Titorías: 3 Clase Expositiva: 24 Clase Interactiva: 24 Total: 150
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Física de Partículas
Áreas: Física Teórica
Centro Facultade de Física
Convocatoria: Primeiro semestre
Docencia: Con docencia
Matrícula: Matriculable
Escenarios 1,2,3:
Esta materia forma parte do módulo “Métodos Matemáticos da Física”, co obxectivo xeral de dotar aos alumnos das ferramentas matemáticas necesarias para o desenvolvemento e comprensión das diferentes ramas da Física. Os obxectivos concretos da materia son:
• Aplicar o cálculo diferencial e integral ao estudo de curvas e superficies no espazo euclídeo tridimensional.
• Introducir os conceptos e métodos básicos necesarios para o estudo e resolución das ecuacións en derivadas parciais de interese físico.
Resultados da aprendizaxe:
Tras cursar a materia o alumno:
• Saberá cómo describir curvas e superficies utilizando os conceptos e métodos do cálculo diferencial.
• Comprenderá os aspectos básicos dos problemas de autovalores e autofuncións.
• Coñecerá os principais métodos para resolver ecuacións en derivadas parciais de interese físico.
Escenarios 1,2,3:
Curvas e Superficies:
• Curvas parametrizadas e curvas regulares. Lonxitude de arco. Curvatura e torsión. Fórmulas de Frenet-Serret: ecuacións intrínsecas.
• Superficies diferenciables. Plano tanxente e recta normal. Primeira e segunda formas fundamentais: curvaturas principais.
Ecuacións en Derivadas Parciais:
• Problemas de Sturm-Liouville: Autovalores, autofuncións e series xeneralizadas de Fourier.
• Problemas non homoxéneos: A función de Green.
• Ecuacións en derivadas parciais de primeira orde: Curvas características.
• Ecuacións en derivadas parciais de segunda orde: Clasificación e formas canónicas. Condicións iniciais e de fronteira. Ecuación de ondas. Ecuación de Laplace. Ecuación de Poisson. Ecuación do calor. Método de separación de variables.
Escenarios 1,2,3:
Bibliografía básica:
• Shifrin, T.: Differential Geometry: a First Course on Curves and Surfaces, Univ. of Georgia 2016.
http://alpha.math.uga.edu/~shifrin/ShifrinDiffGeo.pdf
• Carmo, M.P. do: Geometría diferencial de curvas y superficies. Alianza Editorial, Madrid 1995.
• Lipschutz, M.M.: Geometría diferencial. McGraw-Hill, Madrid 1990.
• Simmnons, G.F.: Ecuaciones diferenciales, McGraw-Hill, Madrid 1988.
• Riley, K.F., Hobson, M.P. e Bence, S.J.: Mathematical methods for physics and engineering, Cambridge University Press, 2006.
• Duchateau, P. e Zachmann, D.W.: Ecuaciones diferenciales parciales. McGraw-Hill, México 1988.
• Haberman, R.: Ecuaciones en Derivadas Parciales, 3ª edición. Prentice Hall, Madrid 2003.
• Stephenson, G: Partial Differential Equations for Scientists and Engineers, Longman, New York, 1985.
• Aranda, P: Apuntes de Métodos Matemáticos II (EDPs), UCM, 2017. http://jacobi.fis.ucm.es/pparanda/EDPs.html
• Myint-U, T. e Debnath, L: Linear partial differential equations for scientists and engineers, Birkhauser, Boston, 2007.
No momento de aprobar esta programación docente, pensando nun posible escenario 2 ou 3, estase tamén en proceso de solicitude e adquisición de novo material bibliográfico electrónico; por elo o profesorado da materia especificará no Campus Virtual que material bibliográfico pode atoparse en formato electrónico na biblioteca da USC cando os fondos estean dispoñibles.
Bibliografía complementaria:
• Hartle, J.B.: Gravity: and introduction to Einstein’s General Relativity.
• Arfken, G.: Mathematical Methods for Physicists, 3rd edition. Academic Press, 1985.
• Stone, M. y Goldbart, P.: Mathematics for Physics. Cambridge University Press, 2009.
Recursos na rede:
• Aula Virtual: Apuntes elaborados polos profesores: Curvas diferenciables, Superficies diferenciables, Ecuaciones diferenciales lineales de segundo orden, Ecuaciones diferenciales en derivadas parciales.
• Aula Virtual: Boletíns de problemas, solucións de problemas, exames de cursos anteriores.
• Aula Virtual: Enlaces a recursos online
Escenarios 1,2,3:
BÁSICAS E XERAIS
CB1 - Que os estudantes demostren posuír e comprender coñecementos nunha área de estudo que parte da base da educación secundaria xeral, e adóitase atopar a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo.
CB2 - Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo.
CB3 - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética.
CG3 - Aplicar tanto os coñecementos teóricos-prácticos adquiridos como a capacidade de análise e de abstracción na definición e formulación de problemas e na procura das súas solucións tanto en contextos académicos como profesionais.
TRANSVERSAIS
CT1 - Adquirir capacidade de análise e síntese.
CT2 - Ter capacidade de organización e planificación.
CT5 - Desenvolver o razoamento crítico.
ESPECÍFICAS
CE2 - Ser capaz de manexar claramente as ordes de magnitude e realizar estimacións adecuadas co fin de desenvolver unha clara percepción de situacións que, aínda que fisicamente diferentes, mostren algunha analoxía, permitindo o uso de solucións coñecidas a novos problemas.
CE5 - Ser capaz de realizar o esencial dun proceso ou situación e establecer un modelo de traballo do mesmo así como realizar as aproximacións requiridas co obxecto de reducir o problema ata un nivel manexable. Demostrará posuír pensamento crítico para construír modelos físicos.
CE6 - Comprender e dominar o uso dos métodos matemáticos e numéricos máis comunmente utilizados en Física.
CE8 - Ser capaz de manexar, buscar e utilizar bibliografía, así como calquera fonte de información relevante e aplicala a traballos de investigación e desenvolvemento técnico de proxectos.
Activarase un curso na plataforma Moodle da Campus Virtual, á que se subirá información de interese para o alumno e material docente diverso.
Escenario 1:
Seguiranse as indicacións metodolóxicas xerais establecidas na Memoria do Título de Grao en Física da USC. A docencia será presencial e está programada en clases teóricas (29 horas), prácticas en grupo reducido (24 horas) e titorías en grupos moi reducidos (4 horas).
Nas clases teóricas e prácticas presentaranse os contidos básicos da materia e resolveranse algúns exercicios.
Os contidos e problemas máis avanzados serán propostos ao estudante para o seu traballo persoal contando co apoio das horas de titoría.
As titorías poderán ser presenciais ou telemáticas, se son telemáticas requirirán de cita previa o que tamén é recomendable para as presenciais.
Escenarios 2,3:
Ver Plan de Continxencia no apartado Observacións.
Escenario 1:
A cualificación dos alumnos consta de dúas partes:
• Un exame final presencial que se realizará nas datas oficiais fixadas polo centro, con cualificación NEF.
• A avaliación continua que consistirá en:
- Asistencia e participación activa nas clases presenciais e titorías, así como entrega de exercicios. Esta parte dará lugar á nota APC.
- Realización de dous controis escritos presenciais que permitan avaliar as competencias e os coñecementos adquiridos. Estes controis darán lugar a cualificacións C1 e C2 respectivamente.
A puntuación conxunta destas actividades de avaliación continua dará lugar a unha “nota de curso” NC=APC*0.35+(C1+C2)/2*0.65.
A cualificación final (NOTA) obterase como a máxima entre a nota do exame final e a que resulta de promediar a nota de curso NC coa nota obtida no exame final NEF mediante a fórmula NOTA= NEF*0.6 + Max(NC,NEF)*0.4. Isto aplícase tanto á primeira como á segunda oportunidade.
A avaliación continua é válida durante o curso académico, non se conserva para cursos posteriores.
Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións”.
Escenarios 2,3:
Ver Plan de Continxencia no apartado Observacións.
Escenarios 1,2,3:
29 horas de clases expositivas presenciais ou telemáticas.
24 horas de clases interactivas presenciais ou telemáticas.
4 horas de titorías presenciais ou telemáticas.
Resulta difícil determinar o tempo de estudio necesario para asimilar a materia, xa que depende moito da dedicación e capacidade de cada estudante. Como indicación xeral, na Memoria do Título de Grao en Física da USC estímase o traballo persoal do alumno en 75 horas, sen contar a docencia presencial ou telemática, e a escritura de exercicios, conclusións ou outros traballos en 15 horas. Total 90 horas.
Escenarios 1,2,3:
Asistencia e participación activa nas clases teóricas e prácticas. Aproveitamento das titorías.
Materias que se aconsella cursar previamente: Métodos Matemáticos I, II, III y IV.
PLAN DE CONTINXENCIA ante un posible cambio de escenario:
1) Obxectivos: sen cambios
2) Contidos: sen cambios
3) Material bibliográfico: sen cambios
4) Competencias: sen cambios
5) Metodoloxía:
Escenario 2:
Parte da docencia se desenvolverá de xeito telemático:
Se as medidas adoptadas polas autoridades sanitarias o permiten, as clases expositivas desenvolveranse telematicamente (vía Teams, Campus Virtual) e as interactivas presencialmente respectando o horario oficial de clases aprobado polo centro.
Se a limitación de aforo ditado polas autoridades sanitarias non permite que todo o alumnado asista as clases interactivas presenciais, estás se retransmitirán en streaming. Os alumnos asistirán por quendas ás clases presenciais. O número de alumnos por quenda estará condicionada ás normas en vigor en cada momento.
Priorizarase á hora de programar a actividade da materia a presencialidade nas probas de avaliación fronte ás clases interactivas presenciais. Se debido á unha inevitable rotación do alumnado, as probas de avaliación consumisen un número inasumible de horas, á docencia correspondente se impartiría telematicamente.
As titorías poderán ser presenciais ou telemáticas, y requirirán de cita previa.
Escenario 3:
A docencia será telemática e as clases desenvolveranse de forma síncrona no horario oficial de clase. Pode ser que, por causas sobrevidas, algunha das clases se desenvolva de forma asíncrona o que se comunicará ao alumnado con anterioridade.
As titorías serán telemáticas e requirirán de cita previa
6) Sistema de avaliación
Escenarios 2 e 3:
As actividades de avaliación que non poidan ser realizadas de xeito presencial, se non poden ser adiadas, realizaranse telematicamente a través das ferramentas institucionais en Office 365 e Moodle. Neste caso esixirase a adopción dunha serie de medidas que requirirán que o alumnado dispoña dun dispositivo con micrófono e cámara mentres non se dispoña dun software de avaliación axeitado. O alumnado pode ser chamado a unha entrevista para comentar ou explicar unha parte ou o total da proba.
Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións”.
7) Tempo de estudo e traballo persoal: sen cambios.
8) Recomendacións para o estudio da materia: sen cambios.
Para adecuar a organización docente do primeiro semestre ao calendario académico reducíronse 3h expositivas presenciais.
Jose Manuel Sanchez De Santos
- Departamento
- Física de Partículas
- Área
- Física Teórica
- Teléfono
- 881813980
- Correo electrónico
- josemanuel.sanchez.desantos [at] usc.es
- Categoría
- Profesor/a: Profesor Contratado/a Doutor
Jose Luis Miramontes Antas
Coordinador/a- Departamento
- Física de Partículas
- Área
- Física Teórica
- Teléfono
- 881814057
- Correo electrónico
- jluis.miramontes [at] usc.es
- Categoría
- Profesor/a: Catedrático/a de Universidade
Ana Garbayo Peón
- Departamento
- Física de Partículas
- Área
- Física Teórica
- Correo electrónico
- ana.garbayo [at] rai.usc.es
- Categoría
- Predoutoral Xunta
David Vazquez Rodriguez
- Departamento
- Física de Partículas
- Área
- Física Teórica
- Correo electrónico
- david.vazquez.rodriguez [at] rai.usc.es
- Categoría
- Predoutoral Xunta
| Luns | |||
|---|---|---|---|
| 18:00-19:00 | Grupo /CLIS_04 | Castelán | Aula 830 |
| 19:00-20:00 | Grupo /CLIS_03 | Castelán | Aula 0 |
| Martes | |||
| 11:00-12:00 | Grupo /CLIS_01 | Castelán | Aula 130 |
| 12:00-13:00 | Grupo /CLIS_02 | Castelán | Aula Magna |
| Mércores | |||
| 18:00-19:00 | Grupo /CLIS_03 | Castelán | Aula 0 |
| 19:00-20:00 | Grupo /CLIS_04 | Castelán | Aula 830 |
| Xoves | |||
| 11:00-12:00 | Grupo /CLIS_02 | Castelán | Aula Magna |
| 12:00-13:00 | Grupo /CLIS_01 | Castelán | Aula 130 |
| 14.01.2021 09:00-14:00 | Grupo /CLE_01 | 3 (Informática) |
| 14.01.2021 09:00-14:00 | Grupo /CLE_01 | Aula 0 |
| 14.01.2021 09:00-14:00 | Grupo /CLE_01 | Aula 130 |
| 14.01.2021 09:00-14:00 | Grupo /CLE_01 | Aula 6 |
| 14.01.2021 09:00-14:00 | Grupo /CLE_01 | Aula 830 |
| 14.01.2021 09:00-14:00 | Grupo /CLE_01 | Pasillo |
| 14.01.2021 09:00-14:00 | Grupo /CLE_01 | Aula Magna |
| 18.06.2021 16:00-20:00 | Grupo /CLE_01 | 3 (Informática) |
| 18.06.2021 16:00-20:00 | Grupo /CLE_01 | Aula 0 |
| 18.06.2021 16:00-20:00 | Grupo /CLE_01 | Aula 130 |
| 18.06.2021 16:00-20:00 | Grupo /CLE_01 | Aula 140 |
| 18.06.2021 16:00-20:00 | Grupo /CLE_01 | Aula 6 |
| 18.06.2021 16:00-20:00 | Grupo /CLE_01 | Aula 830 |
| 18.06.2021 16:00-20:00 | Grupo /CLE_01 | Aula 840 |
| 18.06.2021 16:00-20:00 | Grupo /CLE_01 | Aula Magna |