Créditos ECTS Créditos ECTS: 3
Horas ECTS Criterios/Memorias Horas de Titorías: 3 Clase Expositiva: 9 Clase Interactiva: 12 Total: 24
Linguas de uso Castelán, Galego
Tipo: Materia Ordinaria Máster RD 1393/2007 - 822/2021
Departamentos: Ciencia Política e Socioloxía
Áreas: Ciencia Política e da Administración
Centro Facultade de Ciencias Políticas e Sociais
Convocatoria: Segundo semestre
Docencia: Con docencia
Matrícula: Matriculable | 1ro curso (Si)
O programa desta materia organízase coa intención de que o alumnado dispoñan duns coñecementos, habilidades e competencias que lles permitan comprender os aspectos fundamentais do deseño e a xestión de proxectos e a captación de fondos doutras administración públicas. Ademais, proporcionaráselle o corpo teórico que xustifica a articulación de proxectos e a relevancia da avaliación dos mesmos, ben sexa a través de indicadores e doutras técnicas. Co fin de trasladar o ámbito teórico á realidade práctica serán obxecto de estudo os fondos que derivan da Unión Europea, e tamén a aplicación dos mesmos no ámbito local.
Os contidos da materia están organizados a partir de:
1. DESEÑO E XESTIÓN DE PROXECTOS
- Que é un proxecto?
- Fases dos proxectos.
- Deseño e planificación.
- Xestión e dirección de proxectos.
- Ferramentas de xestión.
- Elaboración de indicadores.
- O Marco lóxico dun proxecto.
- Análise de riscos e as súas consecuencias.
- Avaliación de proxectos.
2. CAPTACIÓN DE FONDOS DOUTRAS AA.PP.
- Proxectos de financiamento estatal e autonómico.
- Iniciativas comunitarias abertas aos Entes Locais: Life+, Creativa, Erasmus+ Mocidade, Europa cos Cidadáns.
- A xestión de proxectos financiados con fondos dá Unión Europea.
- Fondos europeos de xestión (deas)centralizada e fondos Next Generation.
- O marco europeo de colaboración entre entidades do sector público local.
Para o desenvolvemento da materia teranse en conta un conxunto de referencias sinaladas a continuación que se irán complementando con referencias específicas para os contidos concretos da materia:
Eduardo, B., & Moura, D. (2013). Proyectos educativos y sociales : planificación, gestión, seguimiento y evaluación. Madrid: Narcea.
Frank, H. A. (2006). Public Financial Management. CRC Press .
Lane, J.-E. (2000). New Public Management: An Introduction. Routledge.
Ongaro, E. (2009). Public Management Reform and Modernization: Trajectories of Administrative Change in Italy, France, Greece, Portugal and Spain. Edward Elgar.
Ortegón, E. (2008). Guía sobre diseño y gestión de la política pública . Bogotá: Organización del Convenio Andrés Bello.
O'Toole, L. J., & Meier, K. J. (2011). Public management : organizations, governance, and performance. Cambridge University Press.
Competencias básicas:
CB1 - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación
CB5 - Que os estudantes posúan as habilidades de aprendizaxe que lles permitan continuar estudando dun modo que haberá de ser en gran medida autodirigido ou autónomo.
Competencias xerais:
CG2 - Capacidade de analizar, sintetizar e integrar coñecementos e enfrontarse á complexidade de formular xuízos con información limitada.
CG3 - Capacidade de realizar reflexións e análises críticos sobre as responsabilidades sociais e éticas vinculadas á aplicación dos seus coñecementos e xuízos no ámbito da xestión das administracións locais.
CG4 - Capacidade para xerar novas ideas e resolver problemas en contornas cambiantes que permita avances no coñecemento da xestión local e as políticas públicas.
CG5 - Habilidade de aplicar os coñecementos adquiridos nun traballo concreto ou nun proceso de investigación orixinal.
CG6 - Habilidade para recuperar e analizar información de diversas fontes, que permita deseñar, crear, desenvolver e emprender proxectos innovadores no ámbito da xestión pública local e das ciencias sociais en xeral.
CG8. Actuar de forma autónoma na avaliación dos acontecementos sociopolíticos, prever os seus posibles escenarios de desenvolvemento, e adoptar as medidas pertinentes para aproveitar as oportunidades e sinerxías nas que poida verse inmersa a administración local.
CG9. Xestionar e dirixir proxectos, sendo capaz de adoptar diferentes roles dentro dun equipo e as etapas dun proxecto; e adquirir as capacidades de sínteses e exposición que permitan presentar e expoñer de forma convincente un proxecto #ante os principais actores implicados.
CG10. Desenvolver un pensamento estratéxico que permita definir problemas, diagnosticar e estruturar obxectivos de análises e de acción nos ámbitos da xestión local, a consultoría e a investigación.
CG11. Detectar e xestionar a influencia dos cambios tecnolóxicos nos servizos en liña, as redes sociais, a comunicación e o márketing de servizos públicos; que permita facer un aproveitamento óptimo dos mesmos na xestión local.
Competencias transversais:
CT2. Organización e planificación
CT5. Capacidade de traballo nun equipo interdisciplinar
CT6. Sensibilidade cara a problemas sociais e ambientais
CT7. Creatividade e capacidade innovadora
CT8. Competencia para a procura e xestión de información e datos
Competencias específicas:
CE5. Coñecer os procedementos administrativos para a contratación pública e a xestión financeira e orzamentaria das facendas locais.
CE9. Adquirir o coñecemento teórico e instrumental necesario para o exercicio dunha actividade profesional de alto nivel, para o deseño e xestión de plans estratéxicos participativos, programas, proxectos e servicios relacionados coa xestión e a innovación no espazo urbano.
CE10. Adquirir a capacidade de localizar, seleccionar e avaliar información, fontes estatísticas, documentais e bibliográficas de utilidade, interese e aplicación ao ámbito da xestión pública local innovadora.
CE11. Capacidade de deseñar, analizar e avaliar políticas, proxectos e programas innovadores, para promover un goberno e unha xestión pública eficiente e próxima á cidadanía.
A materia consta de 3 créditos, contando cun total de 24 horas de docencia, distribuídos en 21 horas de clases presenciais, das que 12 horas son expositivas e 9 interactivas, e 3 horas de titorías.
O traballo nas aulas parte da explicación de cada tema do programa por parte do profesorado. Irá precedida dunha presentación/esquema do mesmo e dos obxectivos a conseguir. O alumnado podería dispoñer previamente dun esquema detallado dos contidos de cada tema. Plantéxanse, en calquera caso, como clases participativas, dedicando as clases interactivas a análise e debate dos resultados das actividades propostas para cada tema que o alumnado deberá ter realizado previa e persoalmente.
Con independencia da lectura dos textos básicos subministrados, o tipo de actividade proposta variará en función dos contidos de cada tema: preguntas de avaliación da aprendizaxe de contidos, casos prácticos construídos a partires de exemplos reais, comentarios críticos de textos, análise de datos, etc. Ademais, o alumnado deberá realizar un traballo de síntese, relacionado cos contidos tratados , consistentes na busca e organización de datos referentes a diversos aspectos da do deseño e xestión de proxectos e captación de recursos de administración públicas. Os resultados destes traballos serán debatidos en sesións colectivas e monográficas.
Para a realización deste conxunto de actividades o alumnado poden empregar as titorías persoais e de aula.
Existe unha única modalidade de avaliación na que computan:
- Traballos a elaborar e actividades realizadas (50%)
- Exame final (50%)
Na avaliación correspondente ás actividades, valorarase a orixinalidade das mesmas, a estrutura, o tempo dedicado, a creatividade, a información proporcionada, redacción, etc.
Na avaliación correspondente ao traballo das interactivas, valorarase o esforzo continuado e o progreso do alumnado ao longo do curso basicamente:
- Asistencia a clase (10 %)
- A participación activa na aula: preguntas, respostas ás preguntas do profesorado, etc. (10%)
- Grao de cumprimento e calidade das actividades realizadas propostas en cada tema (30%)
Se procedera, e se fora necesario en función dos resultados das actividades anteriores, pode utilizarse como elemento de valoración algunha proba tipo test.
Para os casos de realización fraudulenta de exercicios ou probas será de aplicación o recollido na Normativa de avaliación do rendemento académico dos estudantes e de revisión de cualificacións.
En función do Regulamento de asistencia a clase nas ensinanzas oficiais de grao e máster da Universidade de Santiago de Compostela (aprobado en Consello de Goberno con data do 25 de novembro de 2024) a asistencia a clase terá efectos na avaliación, sendo preceptiva para superar a materia ou para presentarse á realización de exames (1.2.c). O alumnado deberá acudir, como mínimo, ao 80% das actividades docentes programadas.
Con anterioridade á realización das probas publicarase unha listaxe do estudantado que satisfaga este requisito para poder examinarse. As persoas repetidoras estarán eximidas deste requisito de asistencia nas clases expositivas, no caso de telo cumprido con anterioridade, mais non da asistencia ás clases interactivas, ás que deberán acudir igualmente (3.6). O peso das avaliacións será o mesmo para este alumnado, e deberán presentarse ao exame final.
No caso do alumnado que teña concedida a dispensa de asistencia por calquera dos motivos contemplados na normativa da USC o sistema de avaliación será distinto. O único elemento de avaliación deste alumnado será o exame/proba final (100% da cualificación).
Para o resto de aspectos pódese consultar o Regulamento de asistencia a clase nas ensinanzas oficiais de grao e máster da Universidade de Santiago de Compostela (aprobado en Consello de Goberno con data do 25 de novembro de 2024), especial atención ao artigo 3 no que se recollen os motivos de non asistencia xustificada.
As ausencias deberán ser comunicadas por correo electrónico aos docentes da materia e xustificadas segundo recolle o regulamento mencionado.
Para a realización destas actividades estímase que o alumnado debe dedicar en torno a 50 horas ao longo do curso de traballo persoal autónomo. A estimación deste tempo medio de traballo autónomo é orientativo e virá modificada fundamentalmente pola atención e participación nas actividades da aula e as complementarias, a base de coñecementos e a actitude e aptitude de cada estudante.
Ademais da asistencia á clase e utilización do material, lecturas e recomendacións que se fagan ao longo do curso. Cada estudante deberá dedicar o que resulte necesario segundo a súa capacidade e coñecementos para asentar os contidos e realizar os traballos demandados.
-Os traballos realizados polo alumnado deben entregarse, preferentemente, a través da aula virtual; en todo caso, o profesorado poderá solicitar a entrega por outros medios.
- Obrigatoriedade de uso da conta de correo rai.
- Obrigatoriedade de emprego das ferramentas tecnolóxicas institucionais: Campus Virtual, Microsoft Office 365, e outras ferramentas facilitadas pola facultade e autorizadas como ferramentas institucionais pola universidade.
- Perspectiva de xénero. Recoméndase facer uso da linguaxe non sexista, tanto no traballo cotiá de aula como nos traballos académicos encomendados.
- Para os casos de realización fraudulenta de exercicios ou probas será de aplicación o recollido na Normativa de
avaliación do rendemento académico dos estudantes e de revisión de cualificacións.
- Non se aceptarán aqueles traballos que poidan ter sido realizados con IA.
Alfonso Antonio Lopez Rodriguez
Coordinador/a- Departamento
- Ciencia Política e Socioloxía
- Área
- Ciencia Política e da Administración
- Correo electrónico
- alfonsoantonio.lopez [at] usc.es
- Categoría
- Profesor/a: Profesor Axudante Doutor LOU
| Luns | |||
|---|---|---|---|
| 10:00-11:00 | Grupo /CLE_01 | Galego | Seminario 2.2 |
| 11:00-12:00 | Grupo /CLIS_01 | Galego | Seminario 2.2 |
| Martes | |||
| 10:00-11:00 | Grupo /CLE_01 | Galego | Seminario 2.2 |
| 11:00-12:00 | Grupo /CLIS_01 | Galego | Seminario 2.2 |
| 18.05.2026 10:00-12:00 | Grupo /CLIS_01 | Seminario 2.2 |
| 18.05.2026 10:00-12:00 | Grupo /CLE_01 | Seminario 2.2 |
| 02.07.2026 10:00-12:00 | Grupo /CLIS_01 | Seminario 2.2 |
| 02.07.2026 10:00-12:00 | Grupo /CLE_01 | Seminario 2.2 |