O Grupo GI-1876 “Empresa e Administración” é un grupo multidisciplinar da Facultade de Dereito da USC, que conta con investigadores das áreas de Dereito do Traballo e da Seguridade Social, Dereito Administrativo, Dereito Financeiro e Tributario, e, Dereito Mercantil.
O grupo Empresa e Administración é un GRUPO DE REFERENCIA COMPETITIVA (ED431C 2019/15) do programa de consolidación e estruturación de unidades de investigación competitivas nas universidades do Sistema Universitario de Galicia. Anteriormente, foi grupo de Potencial Crecemento (ED431 B-2016/25).
O grupo lidera a Rede Universitaria "Empresa e Administración", ED431 D-2017/19, do programa de Consolidación e Estruturación de Unidades de Investigación Competitivas da Xunta de Galicia.
Tomando como referencia o último informe de Produción científica da USC (2017) somos o 4º grupo con maior produción científica da USC, dun total de case 300 grupos de investigación da USC.