Aula de Teatro da Universidade de Santiago de Compostela. Compañía de Teatro

Na vixésimo sétima edición do Festival Internacional de Teatro Universitario, organizada desde a Aula de Teatro da USC, a compañía de teatro da Aula de Teatro da Universidade de Santiago de Compostela presentará Observacións sobre a felicidade (composición e manexo), que terá unha duración de 50 minutos e será en lingua galega.

A entrada é gratuíta previo paso pola billeteira, que abrirá ás 19.30 horas.

Haberá un encontro coa compañía despois da función, no ambigú do teatro para falar sobre o proceso de creación da peza.