Facendo o camiño da vida: culturas, creatividade e Camiño de Santiago

• Transversais
• Artes e Humanidades
• Ciencias Sociais e Xurídicas
• Profesorado

Os obxectivos do curso son mergullar ao alumnado participante nunha realidade histórica e cultural fundamental para Galicia e Europa: o Camiño de Santiago; reflexionar sobre a presenza e participación da terceira idade na peregrinaxe xacobea; pensar nos factores que o Camiño ofrece para convidar aos máis maiores a afrontar esta aventura con convicción e seguridade; ofrecer os contidos do proxecto europeo “Caxato” como medidor dunha experiencia académica, investigadora, cultural e creativa que vencella Camiño de Santiago e Terceira Idade; poñer en contacto directo o público asistente ao curso con expertos nesta materia e con profesionais de renome que reflexionaron no seu traballo académico, investigador e creativo sobre estes temas; facilitar un espazo para o diálogo, o intercambio e o debate; inserir ao alumnado de IV ciclo na oferta da Universidade de Verán da USC cun curso de seu, mais aberto a participantes de fóra do programa formativo para maiores.