Novas olladas á costa galega. Obradoiro de fotografía documental co colectivo Ollo (3ª edición)

• Artes e Humanidades

Este curso ten como obxectivo xeral o desenvolvemento de novas olladas fotográficas a través do coñecemento das tendencias, técnicas e procedementos da fotografía contemporánea galega. Isto farase a través do desenvolvemento dun documentalismo fotográfico colaborativo titorizado por fotógrafos do Colectivo Ollo. A través da realización desta proposta, búscase que o alumnado teña un lugar de encontro con profesionais dentro do contexto fotográfico galego e que poña en práctica novas metodoloxías para o desenvolvemento dun proxecto colaborativo que concluirá na realización dunha exposición e publicación.