Organizado polo CIFEX no marco do Convenio de colaboración coa Secretaría Xeral da Igualdade para o desenvolvemento do Plan Corresponsables en Galicia
O Centro Interdisciplinario de Investigacións Feministas e de Estudos de Xénero (CIFEX) organiza o Congreso internacional 'As culturas dos coidados e os feminismos' que se desenvolverá ao longo dos días 28 de 29 de setembro na Facultade de Humanidades da USC.
Abre o congreso a conferencia “El derecho a cuidar y ser cuidado: Lo que nos desvela hablar de cuidados desde una perspectiva feminista” a cargo de Carmen Gregorio da Universidade de Granada. A longo das dúas xornadas impartiranse relatorios que tocarán distintos aspectos como a economía dos coidados, xénero, saúde mental, sexualidade, co-housing e traballo doméstico e de coidados, nas que participarán persoal docente e investigador da USC así como das universidades de Sevilla e Estremadura.
Esta actividade realízase ao abeiro do Convenio de colaboración coa Secretaría Xeral da Igualdade para o desenvolvemento de actividades do Plan Corresponsables en Galicia, financiado con fondos do Ministerio de Igualdade.