Proxector comeza o curso cun Especial sobre a paz e a xustiza social
Proxector quere comezar o novo curso conmemorando o Día Internacional da Paz, que se celebra o vindeiro 21 de setembro. E faino cunha nova entrega dos seus especiais, que pon o foco na Xustiza social e a cultura da paz, co fin de difundir contidos audiovisuais en galego que promovan a reflexión crítica sobre os valores da equidade, a solidariedade e a convivencia pacífica neste comezo de curso marcado por incertezas e tensións sociais e xeopolíticas.
Nel inclúense doce vídeos que abordan estas cuestións desde diversas disciplinas como a socioloxía, a filosofía, a educación ou a xeopolítica. Entre os contidos destacados figuran pezas como “A paz como dereito humano”, “Educación para a paz e a xustiza social”, “A cultura da paz desde a filosofía” ou “Xustiza social e desigualdade global”