1 bolsa Fundación María Cristina Masaveu Peterson-Museo del Prado de formación, investigación e capacitación técnica de especialistas en desenvolvemento dixital

Requisitos:

1.- Ter a nacionalidade española ou dalgún outro Estado Membro da Unión Europea, en diante UE, ou dalgún dos Estados signatarios do Acordo sobre o Espazo Económico Europeo; ser residente en España no momento de incorporarse á bolsa; posuír un dominio do idioma español -falado e escrito- que permita aos solicitantes desenvolverse satisfactoriamente durante a súa actividade formativa 

2.- Finalizar os estudos conducentes á obtención do título esixido con posterioridade a xaneiro de 2019. En canto ao prazo, atenderase exclusivamente a finalización da diplomatura, licenciatura ou grao, sen que se teña en conta a data de finalización dos cursos de doutoramento ou outros estudos de posgrao. 3.- Posuír a titulación esixida: 

-Grao universitario ou equivalente en: Estudos de humanidades: Historia da arte, Filosofía, Filoloxía ou outros. Estudos técnicos: Enxeñería de Desenvolvemento de Contidos Dixitais, Enxeñería Multimedia, Ciencia de Datos e Intelixencia Artificial ou outros. Os expedientes académicos con valoración media inferior a notable ou equivalente serán desestimados (por baixo de 2 puntos nunha escala de 0 a 4 e por baixo de 7 puntos nunha escala de 0 a 10).

As bolsas terán unha duración de doce meses (12) consecutivos. A contía das bolsas fíxase en 18.000€ e financiásese na súa totalidade pola Fundación María Cristina Masaveu Peterson.