Diante da situación de emerxencia sanitaria declarada pola Xunta de Galicia e da declaración do estado de alarma por parte do goberno, a Universidade de Santiago de Compostela acordou, mediante as correspondentes resolucións reitorais, a suspensión temporal da actividade docente presencial e o peche das súas instalacións. Co fin de minimizar os efectos negativos que estas decisións poidan ter sobre a marcha do curso académico, das actividades de investigación e do traballo de administración e servizos, a USC adoptou diversas decisións co fin de que, co menor menoscabo posible, a vida da Universidade poida continuar, na medida do posible, en remoto.
