Intercambio e mobilidade

O Servizo de Relacións Exteriores oferta á comunidade universitaria un ampla gama de programas de mobilidade a nivel nacional e internacional e xestiona as estadías de intercambio na USC de alumnado e persoal universitario de institucións superiores de España e outros países. 
O Centro de Benvida Internacional do SRE presta servizos de atención e acollida a alumnado, persoal e investigadores internacionais, e dinamiza a proxección exterior con actuacións diversas de difusión.
 A Unidade de Proxectos  do SRE, a través da xestión de proxectos propostos e participados por persoal universitario da USC, promove accións de cooperación para o desenvolvemento en educación superior para visibilizar o impacto social da USC a nivel internacional.