O Instituto de Materiais da USC acollerá este encontro internacional do 4 ao 7 de setembro
O décimo International Workshop on Interfaces explorará os vínculos entre o progreso recente na investigación de materiais e o desenvolvemento de novas tecnoloxías de procesamento. As sesións céntranse nunha variedade de temas relacionados, desde a fabricación ata a mecánica e a caracterización estrutural e funcional avanzada. Búscase facilitar o intercambio de ideas e axudar a construír unha rede interdisciplinar de investigación. O obxectivo é avaliar o que se coñece, forxar colaboracións e destacar futuras oportunidades de investigación dentro do campo.
O encontro conta cun comité internacional de organización no que toman parte Francisco Guitián (coordinador da unidade tecnolóxica e de transferencia ao sector produtivo do iMATUS), Eduardo Saiz (profesor do Imperial College of London, no Reino Unido, e membro da Comisión Científica Externa do iMATUS), Victoria García Rocha (INCAR CSIC), Jaime Franco (CIFP Politécnico de Santiago, USC) e Iuliia Elizarova (Imperial College of London).
Entre as relatoras e os relatores convidados confirmados cóntanse Ainara Aguadero (Instituto de Ciencia de Materiales de Madrid, CSIC), Hao Bai (Zheijiang Univisersity, China), Suelen Barg (Univeristy of Augsburg, Alemaña), Raul Bermejo (Montauniversitët Leoben, Austria), Florian Bouville (Imperial College of London, Reino Unido), Dominique Chatain (CINaM, CNRS, Francia), Gerhard Dehm (Max-Planck-Institut für Eisenforschung, Alemaña), Roger French (Case Western Reserve University, EUA), Esther Garcia-Tuñón (University of Liverpool, Reino Unido), Oriol Gavalda (University of Nottingham, Reino Unido), Finn Giuliani (Imperial College of London) Diletta Giuntini (TU/e, Países Baixos), Vikran Jayaram (Indian Institute of Science, India), David Kisalius (University of California, Irvine, EUA), Hortense Le Ferrand (Nanyang Technological University, Singapur), Laura Maggini (Universität Wien, Austria), Katharina Marquardt (Imperial College of London, UK), Sylvain Meille (INSA Lyon, France), Jon Molina-Aldareguia (IMDEA Materiales, Spain), Andreas Mortensen (EPFL, Suíza), Alan Porporati (CeramTec, Alemaña), Alex Porter (Imperial College of London), Barbara Putz (Montanuniversität Leoben, Austria), Wolfgang Reinheimer (Forschungszentrum Jülich, Alemaña), Joaquin Ramirez Rico (Universidad de Sevilla), Greg Rohrer (Carnegie Mellon University, EUA), Christina Scheu (Max-Planck-Institut für Eisenforschung, Alemaña), Laura Silvestroni (CNR-ISTEC, Italia), Richard Todd (Oxford University, Reino Unido) e Pablo Zavattieri (Purdue University, EUA).