A Facultade de Humanidades celebra este mércores, 3 de maio, un acto académico conmemorativo da súa festividade no que se homenaxeará a profesora Ana E. Goy Diz
A homeaxe á profesora Ana E. Goy Diz centrará o acto conmemorativo da festividade da Facultade de Humanidades o vindeiro 3 de maio. O evento arrancará ás 12.00 horas no Salón de Actos do centro e contará coa presenza de Antonio López Díaz, reitor da USC; Encarna Lago González, xerente da Rede Museística Provincial de Lugo, Gonzalo F. Fernández Suárez, decano da Facultade de Humanidades; Juan Monterroso Montero, profesor da USC; e Antonio Rodríguez Colmenero, profesor xubilado da USC.
Durante o acto, entregaranse os premios extraordidarios de grao e mestrado 2021/2022, que este ano recibirán Virginia Mosteiro Cagide e María Anjhara Gómez Rodríguez, ambas as dúas do Grao en Ciencias da Cultura e Difusión Cultural; e Ariadna Silva Fernández, estudante do Mestrado Universitario en Servizos Culturais.
Tras o discurso de clausura do acto por parte do reitor, procederase ao descubrimento da placa de renomeamento do Salón de Actos do Centro por parte de José López Carro, Waldo López Goy e Ana López Goy.