A sesión estará presidida polo vicerreitor de Organización Académica e do Campus de Lugo, Francisco Fraga, e terá como padriño a Jacobo Feás Vázquez, profesor do centro
A promoción número doce do grao en Administración e Dirección de Empresas e a número quince do mestrado en Dirección de Empresas da USC no Campus de Lugo celebrarán o seu acto de graduación este venres 7, ás 16.30 horas, na Aula Magna da Facultade de Administración e Dirección de Empresas. A sesión estará presidida polo vicerreitor de Organización Académica e do Campus de Lugo, Francisco Fraga, e terá como padriño a Jacobo Feás Vázquez, profesor do centro.
No acto tamén intervirán Roberto Bande Ramudo, decano da Facultade de ADE; David Portillo Otero e Nicolás Fernández Cabezas, representantes do estudantado; Salustiano Velo Sabín, decano do Colexio Oficial de Economistas de Lugo; Miguel Fernández Méndez, deputado de Formación, Ensino e Economía do Coñecemento; e Mauricio Vitorio Repetto Morbán, tenente de alcaldesa de Dinamización Económica e Relacións Institucionais do Concello de Lugo.