Acto de graduación da 14ª Promoción do grao en Relacións Laborais e Recursos Humanos

A Escola Universitaria de Relacións Laborais de Lugo desenvolve este venres 7, ás 19.00 horas, no Salón de Actos da Escola, o acto académico de graduación da promoción número catorce do grao en Relacións Laborais e Recursos Humanos. Actuará como padriño o profesor do centro, Antonio García Rojo.

Farase entrega de diplomas e imposición de insignias aos novos/as titulados/as e realizarase o recoñecemento da Fundación Campus Universitario de Lugo e do Ilustre Colexio Oficial de Graduados Sociais de Lugo, ao mellor expediente académico da promoción anterior.