A sesión estará presidida pola delegada do reitor para o Campus Terra, Elvira López Mosquera
O Auditorio da Facultade de Veterinaria acolle este venres 7, ás 17.00 horas, o acto de graduación do estudantado dos graos e do mestrado Universitario en Dirección de Actividades Educativas na Natureza (DAEN) da Facultade de Formación do Profesorado da USC.
Na sesión intervirán a delegada do reitor para o Campus Terra, Elvira López Mosquera; a decana de Formación do Profesorado, Carmen Sarceda Gorgoso; a madriña da promoción de Infantil, Milena Villar Varela; a da promoción de Primaria, Dolores Rodríguez Vivero; e o padriño do mestrado DAEN, Joaquín Lago Ballesteros. Por parte do estudantado, falarán os representantes do grao de Infantil, Jesus Rodríguez Pociña e Paula No Alvaredo; o representante do grao de Primaria, Javier Gil Rubido; e do mestrado DAEN, Patricia Sánchez Petruk.