Evento organizado pola Escola de Práctica Xurídica de Santiago de Compostela (centro especialización profesional da Universidade e dos Colexios de Avogados e de Procuradores da cidade)
O 26 de xuño celébrase o acto de despedida das promocións 2018-2020 e 2019-2021 do Máster universitario en Avogacía (impartido pola USC e o ICA de Santiago coa colaboración da EPX).
No mesmo acto, recoñecerase tamén a destacados profesionais a importante colaboración e apoio que prestaron á Escola. Finalmente, recoñecerase o traballo altruísta e solidario que realizan todos as persoas encargadas de titorizar ao alumnado nas prácticas do Grao en Dereito nas que colabora a Escola, e nas catro materias de prácticas externas que o alumnado do Máster cursa en diferentes administracións públicas, xulgados e tribunais, e despachos de avogados.
Tamén será recoñecido o labor de determinadas persoas e institucións que veñen prestando unha destacada e desinteresada colaboración á Escola de Práctica Xurídica.