Acto de recoñecemento aos mellores expedientes da ABAU

Preto de 4.000 persoas tomarán parte no acto de recoñecemento ao estudantado de Bacharelato que tomou parte nas ABAU e que ten unha nota de acceso á universidade de sobresaínte. Desenvolverase o xoves 22 de xuño ás 17.30 horas no Multiusos Fontes do Sar e contará coas intervencións do reitor da USC, Antonio López; os seus homólogos nas Universidades da Coruña e Vigo, Julio Abalde e  Manuel J. Reigosa; da alcaldesa do Concello de Santiago, Goretti Sanmartín e do presidente da Xunta, Alfonso Rueda.

Celso Rodriguez Fernández, delegado do reitor da USC para o Ensino Medio, exercerá de moderador do evento e fará o chamamento para a entrega de diplomas ao  estudantado galardonado, que supera o millar de persoas. Canda os reitores das tres universidades públicas galegas, a alcaldesa de Santiago e o presidente da Xunta, o acto de entrega contará tamén coa participación de Natalia Caparrini Marín, Vicerreitora de Estudantado e Empregabilidade da UVigo; María Jesús Movilla Fernández, vicerreitora do Campus de Ferrol e Responsabilidade Social da UDC; Dulce Mª García Mella, secretaria xeral da USC; Pilar Murias Fernández, vicerreitora de Estudantes e Cultura da USC; Olga López Rocamonde, concelleira de Benestar Social, Inclusión e Persoas Maiores do Concello de Lugo; Román Rodríguez González, conselleiro de Cultura, Educación, Formación Profesional e Universidade; Miguel Anxo Fernández Lores, alcalde do Concello de Pontevedra; Mª del Carmen Pieltain Fernández, concelleira delegada de Mobilidade e Seguridade do  Concello de Ferrol; Francisco J. Fraga López, vicerreitor de Organización Académica e do Campus de Lugo da USC; María José Lombardía Cortiña, vicerreitora de Estudantes, Participación e Empregabilidade da UDC; Alfonso Lago Ferreiro, vicerreitor de Titulacións e Innovación Docente da UVigo; e Susana Reboreda Morill, vicerreitora de Extensión Universitaria da UVigo.