A profesora da USC na Facultade de Formación do Profesorado do Campus de Lugo e biógrafa de Xela Arias, Montse Pena Presas, presenta o libro inédito da autora sarriá Non te amola!.
A profesora da USC na Facultade de Formación do Profesorado do Campus de Lugo e biógrafa de Xela Arias, Montse Pena Presas, presentará o vindeiro 10 de maio, a partir das 17.30 horas, no centro universitario lugués, o libro inédito da autora sarriá Non te amola!.
Este volume, un libro infantil que permaneceu inédito desde a súa escrita nos anos 90 ata a actualidade, permite afondar no coñecemento da nena Xela, sobre todo da súa infancia en Sarria e das súas relacións familiares.
A presentación deste libro, ilustrado por Luz Beloso e publicado na Editorial Galaxia, desenvolverase no marco dun acto público no que tamén estará presente o editor de Galaxia, Francisco Castro, e o fillo da escritora a que rende homenaxe o Día das Letras Galegas 2021, Darío Gil Arias.