A celebración do quincuaxésimo aniversario da independencia de Bangladesh e o centenario do nacemento de Sheikh Mujibur Rahman, Bangabandhu, pai da patria bangladesí, coincide cos dez anos de actividade da Cátedra Inditex na Universidade de Dhaka.
Moderado polos profesores Santiago Fernández Mosquera (USC) e María José Martínez López (UDC), o seminario 'Bangabandhu and Bangladesh Getting Closer to Spain' inaugúrase este xoves 10 de marzo, ás 9.30 horas, no Centro de Estudos Avanzados.
A celebración do quincuaxésimo aniversario da independencia de Bangladesh e o centenario do nacemento de Sheikh Mujibur Rahman, Bangabandhu, pai da patria bangladesí, coincide cos dez anos de actividade da Cátedra Inditex na Universidade de Dhaka. A Cátedra Inditex, en colaboración coa Embaixada de Bangladesh en España, celebra este seminario coa intención de achegar os dous países dende o ámbito cultural e social.
Interveñen no seminario o profesor e historiador Syed Anwar Hossain, o embaixador Arturo Pérez Martínez, o profesor Evaristo Zas da Universidade da Coruña e membro tamén da Cátedra Inditex; e o profesor José Virgilio Trabazo da Universidade de Santiago. Tamén se contará coa participación da directora da Cátedra pola UDC, María José Martínez; o profesor da Cátedra en Dhaka que actualmente está a gozar dunha estancia na UDC, Mirza Wasfi; así como a subdirectora da Cátedra María Vitoria Vázquez Rozas, da USC.
Tras a inauguración protocolaria, o seminario comezará coa intervención do profesor Syed Anwar Hossain desde Dhaka á que seguirá a presentación do primeiro embaixador de España en Bangladesh, Arturo Pérez Martínez. Tras unha pausa intervirán os profesores Evaristo Zas e José Virgilio Trabazo para que finalmente o embaixador de Bangladesh en España clausure o seminario.
A inscrición pode realizarse no enderezo santiago.fernandez.mosquera [at] usc.es (santiago[dot]fernandez[dot]mosquera[at]usc[dot]es)