Este evento forma parte da III Feira de Emprendedoras de Compostela organizada polo programa Woman Emprende en colaboración a USC e o Concello de Santiago de Compostela
O Campus de emprendemento con perspectiva de xénero é unha formación de balde sobre emprendemento e empregabilidade dirixida a universitarias, e coa que poderá obterse 1 crédito ECTS de libre configuración.
O curso terá lugar os vindeiros 25, 26 e 27 de outubro, de 12.00 a 14.00, para as sesións teóricas, mentres que a sesión práctica do día 28 celebrarase de 10.00 a 20.00 horas.
A temática desta formación é o desenvolvemento das competencias básicas que toda emprendedora debe de comprender para ser quen de transformar a súa empresa nunha iniciativa viable e con garantías de éxito.