Santiago de Compostela
Sala de Seminarios
O CiQUS promove a conferencia de Ruben Martín, pertencente ao Institut Catalá d'Investigació Química (ICIQ)
O Centro Singular de Investigación en Química Biolóxica e Materiais Moleculares (CiQUS) acollerá o xoves 26 de xaneiro ás 12.30 horas a conferencia 'Ni-catalyzed functionalization of strong s bonds', do líder do Institut Catalá d´Investigació Química (ICIQ), Ruben Martín.
Ruben Martín
Doutorouse en 2003 na Universitat de Barcelona co profesor Antoni Riera, traballando na síntese total de inhibidores de glicosidases. En xaneiro de 2004 trasladouse a o Max-Planck-Institut für Kohlenforschung como bolseiro posdoutoral Humboldt co profesor Alois Fürstner, onde traballou na aplicación de novos catalizadores de ferro para reaccións de acoplamento cruzado e tipo Alder-ene. En maio de 2005 realizou máis estudos posdoutorais no Massachusetts Institute of Technology como bolseiro posdoutoral MEC co profesor Stephen L. Buchwald onde desenvolveu novas estratexias sintéticas para reaccións de formación de enlaces C-C e C-N catalizadas por metal. En setembro de 2008 incorporouse ao ICIQ como xefe de grupo. A súa liña de investigación actuais estánrelacionada co descubrimento e desenvolvemento de metodoloxías organometálicos sintéticamente útiles
Ruben Martín foi ascendido a profesor asociado en xullo de 2013. En outubro de 2013 pasou a ser Profesor de Investigación do ICREA (Instituto Catalán de Investigación y Estudios Avanzados). Durante a súa etapa no ICIQ, el foi premiado cun ERC-StG, 2 Proof of concept ERC Grants e un ERC-AdvG. Ademais, ten recibiu o Premio OMCOS 2017, o Premio Hirata 2018, o Premio Banco Sabadell 2018 en Ciencias e Enxeñaría ou o Premio Scholar Arthur Cope 2020, entre outros galardóns.