O catastro de Ensenada: unidade e diversidade nos procesos de elaboración e nos resultados'

O día 3 de outubro comezan as actividades do mestrado universitario en Historia Moderna: 'Monarquía de España. Séculos XVI-XVIII'. A súa conferencia inaugural,  que este ano será impartida por Pegerto Saavedra, profesor emérito de Historia Moderna da USC, leva por título O catastro de Ensenada: unidade e diversidade nos procesos de elaboración e nos resultados e desenvolverase ás 16.30 horas, na aula 16 da Facultade de Xeografía e Historia. 

A actividade está aberta a toda a comunidade investigadora. Ademais da opción presencial, as persoas interesadas poden asistir de xeito virtual.