Xeografía e Historia impulsa un acto simbólico co gallo do centenario dos seus estudos
Este luns día 7 de marzo, dende a Facultade de Xeografía e Historia, organízase un dos actos conmemorativos da celebración do Centenario dos Estudos de Historia na Universidade. Esta conmemoración celebrarase, sobre todo, o vindeiro curso 22-23 a través dunha serie de actos programados por una Comisión extraordinaria da Xunta de Facultade. Para promover o seu interese entre os estudantes da Facultade impulsouse unha tirada de chaleques reflectantes cos logotipos da Facultade, da USC e do propio centenario.
Este luns os chaleques serán repartidos polas aulas coa vontade de facer unha foto conmemorativa diante da porta principal da praza da Universidade. O chamamento realizarase en quendas de mañá (ás 13.00 horas) e de tarde (ás 19.00 horas). Cómpre sinalar que os chaleques teñen unha utilidade inmediata como elemento de seguridade nas saídas de campo dos distintos estudos que se imparten na Facultade.