17.07.2024 | 11.00h
Os investigadores do Museo Sueco de Historia Natural son dous dos mellores briólogos do mundo.
Dous dos mellores briólogos do mundo impartirán o mércores 17 de xullo sendas charlas sobre taxonomía, diversidade e conservación nunha xornada que organiza o Grupo de Ecotoxicoloxía e Ecofisioloxía Vexetal (ECOTOX) do Centro de Investigación Interdisciplinar en Tecnoloxías Ambientais (CRETUS).
As charlas de Irene Bisang e Lars Hedenäs, investigadores do Museo Sueco de Historia Natural, serán ás 11.00 horas no Salón de Graos da Facultade de Bioloxía.