Volta a Universidade de Verán tras ser suspendida en 2020, por primeira vez en máis de trinta anos, a causa da pandemia da COVID-19
Este curso da Universidade de Verán pretende transmitir competencias culturais para o coidado, o que significa fuxir de estereotipos e vencer prexuízos que permitan instaurar relacións afectivas desde o respecto do que nos é alleo e con conciencia cultural. Para iso precísase vontade, pero tamén traballar o compromiso e mellorar a formación da enfermería.
Podes consultar o programa completo nesta ligazón. A duración desta acticvidade formativa, de 15 horas lectivas, abrangue do 16 ao 18 de xuño.
A USC recoñece a asistencia a (como mínimo) o 80% deste curso cun crédito ECTS para o seu alumnado de grao.
As prazas están limitadas 90 por mor da situación sanitaria, e a matrícula, cuxo prazo remata o 4 de xuño, conta cunha taxa xeral e outra reducida para estudantes universitarios, de bacharelato ou de formación profesional, pensionistas, desempregado/as, socios da Asociación de Antigos alumnos da USC e PDI e PAS da USC.