USCénica 2022, o festival de artes escénicas que impulsa a USC, estenderase do 20 de xuño ao 9 de xullo cun amplo abano de actuacións musicais e teatrais, así como cun diverso programa formativo
O programa musical do USCénica 2022 inclúe o sábado 2 de xullo o concerto de Le BarLuthier, un conxunto sonoro que conforman Carlos Gil Fandiño (teclas e voz); Chucho González Uribe (táboa de lavar, burbullas e voces) e Míriam Rodríguez Pérez (voz). Terá lugar ás 22.00 horas na terraza do Auditorio da Universidade e as entradas, de balde, pódense retirar o mesmo día do evento dende unha hora e media antes do seu comezo.
Le BarLuthier
Le BarLuthier é un piano bar literal e itinerante.
Un piano de cola cunha caixa de resoancia que se converte nun bar onde se serven bebidas nunha viaxe no tempo ata os anos 30-40-50 coa súa música jazz, swing, dixie, latin, etc. a través dun espectáculo de humor musical con músicos e showwoman. Cunha posta en escena enxeñosa, elegante á vez que, lúdica, sofisticada e atrevida, auténtica e xenuína.
Máis información na web do USCénica 2022.
