20/05/2022 - 20.00 horas
O repertorio que ofrecerá a artista lusa no marco desta actuación inclúe obras para piano solo de A. J. Fernandes, F. Lopes-Graça e C. Debussy
A artista portuguesa Ines Filipe ofrece este venres, a partir das 20.00 horas, o concerto de piano ‘De Portugal a Francia’, no marco da programación organizada ao abeiro do convenio Lugo Cultural, que recibe financiamento da USC, Concello de Lugo e Deputación Provincial de Lugo.
O repertorio que ofrecerá a artista lusa no marco desta actuación inclúe obras para piano solo de A. J. Fernandes, F. Lopes-Graça e C. Debussy. O concerto é de acceso libre e de balde ata completar aforo.