17.06.2022 | 20.30h
Organizados pola Escola de Altos Estudos Musicais (EAEM) en colaboración coa USC
Como colofón dos estudos do Curso Avanzado de Especialización Orquestral da Escola de Altos Estudos Musicais, o seu alumnado ofrece no mes de xuño unha serie de concertos con obras de autores referenciais para solistas con acompañamento de piano.
O venres 17 serán Sergio Sanchís (percusión) e Estefanía del Barrio (violín) as persoas encargadas de poñerlle peche a este ciclo de concertos con obras de Johann Sebastian Bach, Áskel Masson, Antonio Pasculli, Philip Glass, Nicolò Paganini, Jean Sibelius e Salvador Brotons.
O concerto comezará ás 20.30 horas no Paraninfo da Facultade de Xeografía e Historia e a entrada é de balde ata completar a capacidade da sala.