Salón de Actos
Diego Conde Gómez toma parte neste ciclo de relatorios promovido pola Vicerreitoría de Estudantes e Cultura, o Programa de IV Ciclo e o Concello de Lugo
O ciclo de conferencias 'Destacando na ciencia' é unha iniciativa desenvolvida polo Programa Universitario de Maiores de IV Ciclo da USC que leva á Casa do Saber de Lugo relatorios especialmente dirixidos ao estudantado do programa.
Diego Conde Gómez afondará na figura de Juan Rof Codina no segundo relatorio do ciclo, que pronunciará o venres 3 de marzo.
Isabel Fernández García foi a encargada de impartir a primeira das conferencias deste programa que aínda contará co relatorio 'Asteroides e meteoritos: o evento de Traspena' por Manuel Andrade Baliño o 31 de marzo, e coa conferencia 'Consello da Cultura Galega: 40 anos coa nosa cultura' de Rosario Álvarez Blanco o 21 de abril.
Todas as sesións desenvolveranse no Salón de Actos do centro a partir das 11.30 horas. O programa completo da actividade está dispoñible nesta ligazón