Salón de Actos
Conferencias Mazarelos
O catedrático emérito de Filoloxía grega da Universidade Complutense Alberto Bernabé participará o 8 de maio no ciclo Mazarelos coa conferencia ‘Verdade, opinións e o camiño do que é. Precisións conceptuais en Parménides’.
Parménides de Elea, activo a principios do século V a.C., é un dos chamados filósofos presocráticos e polo tanto un dos pensadores que se haxan xusto no momento do xurdimento da pensamento filosófico. Maestro do razoamento dialéctico, foi un filósofo difícil, tan escuro ás veces como Heráclito "o escuro", co cal moitas veces contraponse. A súa filosofía quedou expresada en forma de poema, unha das primeiras obras filosóficas da historia do pensamento e a súa influencia no pensamento filosófico posterior é indubidable.
Nesta conferencia, o profesor Bernabé, catedrático emérito da UCM, proponse unha reflexión sobre a forma na que se articulan no poema de Parménides conxuntos de conceptos que se asocian a distintas formas de coñecemento e á posibilidade de acceder a el; un estudo no que se mesturan o filosófico e o literario, xa que a miúdo os conceptos exprésanse dun modo metafórico.
O propósito é dobre: por unha banda, separar con claridade o que son tres cuestións distintas que con frecuencia se confunden: a) os trazos da vía que percorre o κοῦρος no proemio, expresado polo “eu poético” (B 1.1-10 DK); b) os dous tipos de contidos que a deusa innominada anuncia que vai revelarlle ao κοῦρος (B 1.28-30 DK) e c) as dúas únicas vías de procura que, sempre segundo a deusa, cabe concibir (B 2 DK). Doutra banda, trátase de poñer de manifesto como as nocións asociadas a cada unha destas contraposicións configuran implicacións e redes conceptuais nas que cada termo complementa e precisa aos demais, configurando así conxuntos matizados e coherentes e ata que punto é importante ter presente que vías e contidos son realidades de distinta natureza. Esta conferencia é así pois un exercicio de achegamento a un dos textos máis importantes do pensamento occidental.
O profesor Alberto Bernabé (Huelva, 1946) é autor de artigos e libros de referencia sobre filoloxía grega, textos hititas e indoeuropeos, mitos órficos, pensamento helénico, ademais de edicións críticas e traducións de textos de Píndaro, Aristóteles, Filóstrato e os presocráticos.
