Este venres 25 de outubro terá lugar no Salón Reitoral do Pazo de San Xerome unha sesión ordinaria do Consello de Goberno que comezará ás 09.30 horas en primeira convocatoria, e na que se estudarán, entre outros temas, a aprobación, se procede, das bases para a planificación de profesorado 2025, do Regulamento do Centro de Formación de Persoal e da creación da cátedra institucional Médico Alejandro Álvarez Coira.
Así mesmo, debateranse a aprobación dos parámetros de ponderación de materias para o acceso ás ensinanzas universitarias oficiais de grao do SUG no curso 2026-2027 e a proposta de nomeamento de director en funcións do Departamento de Matemáticas.
A continuación abordarase a renovación de representante da USC no Consello Escolar de Galicia e aprobaranse, se procede, cursos de estudos propios e memorias de estudos propios, así como a proposta de Protocolo fronte as violencias sexuais e o acoso por razón de sexo, orientación sexual e identidade ou expresión de xénero na USC.
Na parte final do consello falarase de convenios e asuntos económicos, e presentará os seus informes o reitor, as vicerreitoras e vicerreitores, o xerente e a secretaria xeral, tras o cal haberá unha rolda aberta de intervencións.