Este xoves 21 de marzo ten lugar no Salón Reitoral de San Xerome unha sesión ordinaria do Consello de Goberno da USC que comeza ás 09.30 horas en primeira convocatoria. O primeiro punto da orde do día é a aprobación, se procede, da acta da reunión anterior. A continuación estudarase a designación de representante do Consello de Goberno nos Institutos de Humanidades (iHUS) e Psicoloxía (iPSIUS), a aprobación da adscrición á USC dun investigador científico do CSIC e o recoñecemento con horas de docencia clínica da colaboración docente de colaboradores e titores clínicos.
Así mesmo tratarase a aprobación, se procede, da oferta de prazas de novo ingreso nas titulacións de grao, mestrado e doutoramento para o curso 2024-2025, a declaración de intencións dunha nova titulación de mestrado universitario para a súa implantación no curso 2025-2026 e propostas complementarias das modificacións non substanciais das memorias dos graos en Mestre de Educación Infantil e Mestre de Educación Primaria.
Deseguido analizarase a aprobación, se procede, de memorias de estudos propios, do acordo sobre os procedementos de admisión aos estudos de grao nas universidades públicas do SUG para o curso 2024-2025, da creación da cátedra institucional Saúde Ambiental, da modificación da denominación do Instituto de Acuicultura e do seu Regulamento de Réxime Interno e da modificación do Regulamento de Réxime Interno do Instituto de Humanidades (iHUS) e do Instituto de Psicoloxía (iPSIUS).
Finalmente, abordaranse os convenios e asuntos Económicos, e presentarán os seus informe o reitor, as vicerreitoras e vicerreitores, o xerente e a secretaria xeral, para rematar cunha rolda aberta de intervencións.