Este martes 19 de marzo a partir das 19.30 horas desenvólvese no Auditorio da Fundación ABANCA na rúa do Preguntoiro, 39, en Santiago, un diálogo entre o ex-futbolista, adestrador e enfermo de ELA Juan Carlos Unzué e o catedrático de Medicina Legal da USC Ángel Carracedo; o diálogo será moderado pola xornalista Eva Millán (RadioVoz).
A actividade é promovida polo Grupo de investigación en Pedagoxía Social e Educación Ambiental (SEPA-interea) da Universidade de Santiago de Compostela, dentro do ciclo de conversas denominado 'Educación, ciencia e conciencia no diálogo Universidade-Sociedade'; este ciclo desenvolverase ao longo de 2024 conmemorando o 25 aniversario do grupo.
Para o evento, ata completar a capacidade do espazo, haberá unha Fila 0 para que os fondos recadados vaian destinados integramente á Asociación de Enfermos/as de ELA-Galicia.
