25/04/2022 - 21.00 horas
A artista pontevedresa ofrecerá o 25, a partir das 21.00 horas, na Facultade de Veterinaria, un repertorio ‘personalista’ no marco do ‘Lubicán íntimo’
A artista pontevedresa Cora Velasco presentará o luns 25 de abril, a partir das 21.00 horas, na Facultade de Veterinaria do Campus de Lugo da USC, algunhas das novas composición propias e ‘personalistas’ que dan forma ao seu último traballo, ‘Sortilegios’.
A actuación de Cora Velasco encádrase no ciclo ‘Lubicán íntimo’, unha proposta promovida ao abeiro do convenio Lugo Cultural, que recibe financiamento da USC, Concello de Lugo e Deputación Provincial de Lugo, a través da que se pretende achegar o talento de novos creadores á sociedade. A entrada é libre e de balde.