Reúne conversas con Antony Gormley, Ángela de la Cruz, Luis Gordillo, Esther Ferrer, Manuel Vilariño e Julião Sarmento
A Fundación María José Jove presentará este martes, 23 de novembro ás 19.30 horas, no Paraninfo da Universidade de Santiago, o documental e a publicación Corpos Presentes. Con eles, culmina o proxecto iniciado o 6 de maio en formato exposición e que reuniu en Santiago unha selección dalgunhas das obras máis importantes da Colección de Arte Fundación María José Jove con motivo de Xacobeo 2021-22.
Ao acto asistirán Anxo Manuel Lorenzo, secretario xeral de Cultura da Xunta de Galicia; María do Mar Lorenzo, vicerreitora de Igualdade, Cultura e Servizos da USC; Juan Manuel Monterroso, catedrático e director do departamento de Historia da arte da USC e Susana González, directora da Colección de Arte Fundación María José Jove e comisaria do proxecto.