Esta actividade será impartida por Isabel Sánchez e Daniel Lezso, e participar nela está recoñecido con 2 créditos ECTS
O 'Curso II de danza contemporánea' é un achegamento técnico ao movemento individual, por medio de traballos que desenvolvan a conciencia do movemento a través dunha danza orgánica e fluída, potenciando as posibilidades físicas e creativas de cada persoa.
O prazo de matrícula permanecerá aberto ata cubrir as prazas por rigorosa orde de inscrición, e o curso impartirase do 11 de xaneiro ao 11 de maio de 2021, os luns e os mércores, en horario de 16.00 a 18.00 no Comedor do Pazo de Fonseca.
O prezo do curso para membros da comunidade universitaria é de 100 euros, mentres que o importe da matrícula para o público xeral é de 140 euros.