A Biblioteca Intercentros do Campus de Lugo convoca dous cursos virtuais de competencias en información para alumnado de grao. A inscrición é gratuíta e pode formalizarse ata o 15 de febreiro. As clases serán do 16 de febreiro ata o 15 de marzo
A Biblioteca Intercentros do Campus de Lugo convoca dous cursos de nivel básico e avanzado sobre competencias en información orientados á participación do alumnado de grao na sede universitaria luguesa. A inscrición nestes módulos formativos que se desenvolverán de xeito virtual é gratuíta e o prazo permanece aberto ata o 15 de febreiro na secretaría virtual da USC.
O alumnado da USC que estea a completar estudos de grao nas facultades de Veterinaria, Administración e Dirección de Empresas e Humidades, así como na Escola Politécnica Superior de Enxeñaría e mesmo nos centros adscritos de Relacións Laborais e Enfermaría poden participar de balde nesta acción formativa promovida desde a Biblioteca Intercentros co apoio do Campus Terra da USC. As persoas que superen esta formación poderán solicitar o recoñecemento dun crédito ECTS. Tamén se pode obter máis información a través do enderezo de correo electrónico biblioteca.intercentros.servizos [at] usc.es (biblioteca[dot]intercentros[dot]servizos[at]usc[dot]es)
