María José Ginzo Villamayor impartirá este módulo formativo, a través da que Campus Terra da USC pretende proporcionar as ferramentas estatísticas fundamentais para o estudo dos condicionantes que poden ter un efecto sobre certa variable de interese.
O curso ‘Deseño e análise de experimentos’, dá continuidade este martes, a partir das 10.30 horas, no edificio Cactus ao programa de accións formativas posto en marcha polo Campus de Especialización Campus Terra da sede universitaria luguesa, financiado pola Consellería de Cultura, Educación Formación Profesional e Universidades da Xunta de Galicia.
O obxectivo deste curso, que está etruturado en dez horas de formación e será impartido por María José Ginzo Villamayor, pasa por proporcionar as ferramentas estatísticas fundamentais para o estudo dos condicionantes que poden ter un efecto sobre certa variable de interese. A variable de interese será a resposta dun modelo de regresión, mentres que os efectos poden proceder doutras variables, factoriais ou continuas. O deseño e análise do experimento permitirá establecer da maneira máis eficiente os efectos que estas variables producen na variable resposta.
O curso ten un enfoque práctico. A partir do primeiro capítulo da estatística descritiva irase mostrando mediante a análise exploratoria de datos, utilizaranse os mesmos como motivadores para a introdución dos seguintes contidos e irase mostrando a implementación dos mesmos no computador coa axuda de R.