Na honra de Francisco Fernández del Riego
A USC únese ás celebracións en homenaxe a Francisco Fernández del Riego, o autor ao que este ano se dedica o Día das Letras Galegas, cun acto oficial o martes 16 de maio a partir das 12 horas no Salón Nobre do Colexio de Fonseca.
O reitor Antonio López presidirá esta homenaxe que contará tamén coa presenza de María José López Couso, vicerreitora de Titulacións e Internacionalización, de Ernesto Xosé González Seoane, vicerreitor de Profesorado, de Francisco Cidrás Escaneo, director do Departamento de Filoloxía Galega e de Xosé Henrique Monteagudo Romero, catedrático do departamento de Filoloxía Galega que pronunciará a conferencia 'Francisco Fernández del Riego : ao seu xeito rebelde'.
No acto presentarase tamén o volume Francisco Fernández del Riego. Ao meu xeito rebelde, que edita a Universidade de Santiago de Compostela e estudantes do Grao en Lingua e Literatura Galegas procederán á lectura de textos do homenaxeado, nunha iniciativa organizada polo profesor Xosé Manuel Salgado Rodríguez.
As persoas interesadas en asistir ao acto deben remitir confirmación ao enderezo reitor.secretaria [at] usc.gal (reitor[dot]secretaria[at]usc[dot]gal)