Organizado polo Servizo de Participación e Integración Universitaria
En 2021, cúmprense 25 anos da posta en marcha da Oficina do Voluntariado da USC, hoxe Servizo de Participación e Integración Universitaria. Neste cuarto de século, máis de 10.000 universitarias e universitarios colaboraron en preto de 200 actividades propostas por máis de 150 entidades do terceiro sector da nosa comunidade autónoma.
A modo de conmemoración, o Servizo propón un acto institucional o mércores 25 de novembro para poñer en valor os 25 anos de actividades cara á promoción da participación social e o voluntariado na USC, reforzar e reafirmar as colaboracións coas entidades do terceiro sector a para a mellora da calidade da oferta académica da USC e dos proxectos das entidades e reflexionar e repensar a participación social e o voluntariado na USC como ferramenta para o compromiso cidadán.
Será o reitor da USC, Antonio López, o encargargado e abrir o evento cunha reflexión sobre as actividades desenvolvidas dende a institución para a promoción da participación social e do voluntariado, e como ferramenta para a formación das/os egresadas/os.
O acto incluirá a entrega dun agasallo ás dúas vicerreitoras implicadas no inicio e expansión dos traballos da Oficina do Voluntariado/Servizo de Participación e Integración Universitaria, Amelia Gonzalez Méndez e Elena Vázquez Cendón.
A seguir, representantes das entidades sociais coas que se colabora (unha por cada campus da USC) realizarán unha sinatura do novo convenio de colaboración para actividades de voluntariado.
A sinatura dará paso a unha mesa de diálogo na que participaran as entidades, persoas voluntarias e representantes da Universidade co albo de promover unha reflexión sobre o feito e o que está por vir nos vindeiros anos, sobre as novas vías de participación e a mellora dos proxectos de participación social e voluntariado na nosa Universidade.
Programa
- 09.45 h Presentación. Vicerreitora de Igualdade, Cultura e Servizo. Mar Lorenzo Moledo. Decana da Facultade de CC da Educación. Carmen Fernández Morante
- 10.30 h Acto de recoñecemento da institución.
- Amelia González Méndez. Catedrática de Dereito Financieiro e Tributario da USC
- Elena Vázquez Cendón. ProfesoraTitular de Matemática Aplicada da USC
- 10.45 h Sinatura dos novos convenios de colaboración.
- Isabel Gey Pérez. Presidenta de AGADEA
- Ana Regueira Fuenteseca. Directora de ALUME Saúde Mental.
- 11.00-12.30 h Mesa diálogo
- Ricardo Calza González. Voluntario no Campus de Santiago.
- Julia Ammerman Yebra. Voluntaria no Campus de Santiago.
- Minerva Varela Saa. Voluntaria no Campus de Lugo.
- Isabel Gey Pérez. Presidenta de AGADEA.
- Ana Regueira Fuenteseca. Directora de ALUME Saúde Mental.
- Javier Agrafojo Fernández. Coordinador do Servizo de Participación e Integración Universitaria.