Conferencias, encontros musicais, recitais e obradoiros
Os días 22 e 23 de febreiro a Facultade de Filoloxía conmemora o aniversario do nacemento de Rosalía de Castro cun programa de conferencias, música, recitais e obradoiros de entrada libre.
As actividades comezan o martes 22, ás 17.30 h na Sala de graos coa conferencia 'Desvendar a persoa e a obra de Rosalía de Castro', de Francisco Rodríguez, e proseguen ás 19 h no Salón de actos cun encontro musical arredor de Rosalia no que toman parte Najla Shami, Uxía Senlle e Sérgio Tannus.
O mércores 23, a xornada arranca ás 15.30 na Sala de Aulas B10 da man de Antía Otero obradoiro de escrita 'O que gardan os obxectos', ao redor da poética de Rosalía de Castro. Ás 18 horas, a Sala de Graos acolle a conferencia 'Rosalía Castro e os lugares: “Orillas del Sar'", impartida polo profesor Fernando Cabo Aseguinolaza no marco do proxecto 'Cartografías do afecto e usos públicos da memoria: unha análise xeoespacial da obra de Rosalía de Castro' (FFI2017-82742-P). O peche da xornada, a partir das 19.30 h inclúe un recital de estudantes de textos de Rosalía e un encontro musical con Xoán Rubia no Salón de actos.
As conferencias e encontros musicais son de entrada libre ata completar a capacidade da sala. Para tomar parte no obradoiro de escrita e no recital de textos de Rosalía, as persoas interesadas deben dirixirse a Daniel Durán Chapela no correo-e: daniel.duran.chapela [at] rai.usc.gal (daniel[dot]duran[dot]chapela[at]rai[dot]usc[dot]gal)
