Organiza a Cátedra Iberoamericana da USC, en colaboración coa Fundación Euroamérica, no marco da Axenda 2030
O vindeiro mércores 18 de outubro, ás 17.00 horas (hora española) terá lugar a videoconferencia 'A economía circular: presente e futuro tras a COVID-19', enmarcada no ciclo 'Conversas Iberoamericanas'.
O encontro contará con Leiner Vargas, catedrático de Economía na Universidade Nacionla de Costa Rica e investigador CINPE-UNA, que falará sobre 'A economía circular e o impacto da COVID-19 sobre o seu desenvolvemento en América Latina', e con Xavier Vence, catedrático de Economía da USC e director ICEDE, que abordará o tema de 'A economía circular e o impacto da COVID-19: unha visión dende Europa'. Maria Cadaval, directora da Cátedra Iberoamericana, moderará o evento.