Con Raquel Egea, directora executiva de Alma Medical Imaging
BioIncubaTech programa unha nova sesión dos seus almorzos formativos en liña con figuras referentes nos ámbitos do sector bio, saúde e tecnoloxías alimentarias.
Nesta sesión, a directora executiva de Alma Medical Imaging, Raquel Egea , explicará, desde a súa experiencia como emprendedora de empresas vinculadas ao ámbito de saúde, algunhas das claves do éxito no emprendemento do sector Biotech.
Este novo almorzo forma parte do 2º Ciclo formativo en transferencia e relacións coa empresa e está dirixido a empresas ou persoas físicas interesadas en transferencia, relacións coa empresa e desenvolvemento comercial estratéxico para acceder a novos mercados en sectores bio, saúde e tecnoloxías alimentarias.
Ten como obxectivo ontercambio de experiencias e coñecementos e xerar así un debate a modo de « think thank», que esperte posibles ideas/iniciativas que se poidan concretar en proxectos.
Raquel Egea
CEO de Alma Medical Imaging Raquel conta con 12 anos de experiencia como directora de Desenvolvemento de Negocio e Innovación na contorna do ICS. Os seus primeiros pasos foron no Instituto de Investigación do Vall d’ Hebron e despois no IDIBELL, desde onde xestionaba a Innovación e o Desenvolvemento de Negocio do Hospital Universitario de Bellvitge, o ICO, Viladecans, UB o CSI. Foi vicepresidenta da Rede Española de Xestión da Investigación Clínica en Hospitais durante 2010-2012 e impulsora da Alianza de Innovación do Mediterráneo composta por 9 centros de investigación biosanitaria da zona de Levante en 2020 que contan co apoio e financiamento do ISCIII.