Os Encontros americanos na Granell que organiza o grupo de investigación HisAmérica da USC co apoio da Vicerreitoría de Cultura e Estudantes terán o mércores 29 unha nova cita. Será ás 19.00 horas cando o profesor Rodolfo Gamiño imparta a charla ‘Nomear as ausencias no México presente’.
Este encontro busca colocar no centro do debate o fenómeno da ausencia. En México persiste a ausencia de persoas e tamén de narrativa, polo que asistimos ao aparente triunfo do indicible. Faltan ferramentas para explicar que é e como debemos nomear a ausencia, o ausente.
Exporase como familiares cun ser querido desaparecido o nomearon, cales foron as metáforas empregadas para dar sentido a ese sensentido, para explicarse e explicarnos a experiencia ante a ausencia. Analizarase como esas metáforas articularon para os familiares de desaparecidos un sentido, unha identidade, detonando mobilizacións e accións de resistencia, tanto nos espzos privados como nos públicos. E reflexionarase sobre os riscos de uso e a excesiva lexicalización desas metáforas tanto a corto, mediano e largo prazo en termos de esclarecemento, verdade, xustizas e reparacións.
Rodolfo Gamiño Muñoz é doutor en Antropoloxía polo Centro de Investigacións e Estudios Superiores en Antropoloxía Social Cidade de México (CIESAS-CDMX), académico-investigador do Departamento de Historia da Universidade Iberoamericana (Cidade de México) e columnista en diversos medios de comunicación. As súas investigacións dedícanse a: Historia do Tempo Presente, Guerrilla e violencia política, Políticas da memoria e esquecemento, Desaparición forzada e Metáforas de ausencia. Ten publicado diversos libros sobre a violencia, a desaparición e as memorias.
Os Encontros Americanos na Granell teñen como fin ofrecer un espazo aberto de diálogo, ideas, debate e reflexión arredor de América a través dun programa de conferencias mensuais que abordan temas culturais, políticos, sociais, económicos ou de actualidade, de interese público e carácter divulgativo.