Entrega do XVII Premio de Relato Curto de Alumni USC

A entrega do XVII Premio de Relato Curto 2023 convocado por Alumni USC ten lugar este martes 19 ás 19.00 horas no Salón de Actos na Facultade de Filosofía. Asistirán a este evento a escritora Marilar Aleixandre, a profesora de Filoloxía Italiana da USC e presidenta do xurado nesta edición, Teresa Sanmarco, e a presidenta de Alumni USC, Eva López Barrio.

No transcurso do acto Marilar Aleixandre  pronunciará unha conferencia sobre literatura e o gañador desta edición, Pablo Nogueira, lerá o seu texto 'Mar de Lembranzas'. O certame ten unha dotación de 500 euros e está patrocinado por HM La Rosaleda.